ଓ୍ବାଶିଂଟନ,୧୪ା୧୦: କରୋନାରୁ ସୁସ୍ଥ ହୋଇ ହସ୍ପିଟାଲରୁ ଫେରିବା ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ନିର୍ବାଚନ ପ୍ରଚାର କରୁଛନ୍ତି। ନଭେମ୍ବର ୩ରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ। ନିର୍ବାଚନ ତାରିଖ ଯେତେ ପାଖେଇ ଆସୁଛି ସେତିକି ଉଷ୍ଣତା ବୃଦ୍ଧି ପାଉଛି। ଏହି ନିର୍ବାଚନୀ ପ୍ରଚାର ସମୟରେ ଏକ ନୂଆ ଘଟଣା ସାମ୍ନାକୁ ଆସିଛି, ଯାହା ଖୁବ୍ ଭାଇରାଲ ହେଉଛି। ପ୍ରଚାର ସମୟରେ ଟ୍ରମ୍ପ୍ ନାଚୁଛନ୍ତି।
ସ୍ୟାଣ୍ଡ୍ ଫୋର୍ଡରେ ଆୟୋଜିତ ନିର୍ବାଚନ ସଭାରେ ପ୍ରବଳ ଜନସମାଗମ ଦେଖି, ଟ୍ରମ୍ପ୍ ଖୁସିରେ ଆତ୍ମହରା ହୋଇ ନିଜକୁ ଆଉ ସମ୍ଭାଳି ପାରି ନ ଥିଲେ। ଏପରିକି ମଞ୍ଚରେ ସେ ଡ୍ୟାନ୍ସ କରିଥିଲେ। ଟ୍ରମ୍ପଙ୍କୁ ନାଚୁଥିବାର ଦେଖି ଲୋକେ ବି ଖୁବ୍ ଉତ୍ସାହିତ ହୋଇ ନାଚିବାକୁ ଆରମ୍ଭ କରିଥିଲେ। ଟ୍ରମ୍ପଙ୍କ ଏହି ନାଚକୁ ବିରୋଧୀମାନେ ନାପସନ୍ଦ କରିବା ସହ ମଜା ଉଡ଼ାଇଛନ୍ତି।
ଟ୍ରମ୍ପ୍ଙ୍କ ଏହି ଡ୍ୟାନ୍ସର ଭିଡିଓ ଟୁଇଟରରେ ଭାଇରାଲ ହେଉଛି। ଟ୍ରମ୍ପଙ୍କ ଡ୍ୟାନ୍ସଙ୍କୁ ତାଙ୍କ ସମର୍ଥକମାନେ ପସନ୍ଦ କରୁଛନ୍ତି। କିଛି ଲୋକ ଟ୍ରୋଲ ମଧ୍ୟ କରିଛନ୍ତି। ଏହି ଡ୍ୟାନ୍ସ ସମୟରେ ଟ୍ରମ୍ପ୍ ମାସ୍କ ପିନ୍ଧି ନ ଥିବା ଦେଖିବାକୁ ମିଳିଛି।
