ଓ୍ବାଶିଂଟନ, ୯।୭: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କୁ ନେଇ ତାଙ୍କ ଝିଆରି ମେରୀ ଟ୍ରମ୍ପ୍ ବିବାଦୀୟ ମନ୍ତବ୍ୟ ଦେଇଛନ୍ତି। ସେ କହିଛନ୍ତି ମୋ ଦାଦା ଜଣେ ମହାଠକ। ତାଙ୍କ ଭଳି ଭୟଙ୍କର ବ୍ୟକ୍ତି ଏ ପୃଥିବୀରେ ଅନ୍ୟ କେହି ନାହାନ୍ତି। ତାଙ୍କୁ ଚିହ୍ନିବା କଷ୍ଟକର। ପୂର୍ବରୁ ଜାତୀୟ ସୁରକ୍ଷା ପରାମର୍ଶ ଦାତା ଜନ୍ ଡାଲଟନ୍ ଟ୍ରମ୍ପ୍ଙ୍କୁ ନେଇ ବିବାଦୀୟ ମନ୍ତବ୍ୟ ଦେଇଥିଲେ। ଏବେ ମେରୀ ନିଜ ପୁସ୍ତକରେ ଟ୍ରମ୍ପ୍ଙ୍କୁ ଟାର୍ଗେଟ୍ କରିଛନ୍ତି। ମେରୀ ନିଜ ପୁସ୍ତକ ‘ଠୁ ମଚ୍ ଆଣ୍ଡ୍ ନେଭର ଏନଫ୍: ହାଓ୍ବ ମାଇଁ ଫାମିଲି କ୍ରିଏଟେଡ୍ ଦି ଓ୍ବାଲର୍ଡସ୍ ମୋଷ୍ଟ୍ ଡେଞ୍ଜରିୟସ୍ ମ୍ୟାନ୍’ରେ ଟ୍ରମ୍ପ୍ଙ୍କ ବିରୋଧ ଉଲ୍ଲେଖ କରିଛନ୍ତି। ମେରୀଙ୍କ ପୁସ୍ତକ ଏବେ ଆମେରିକା ରାଜନୀତିରେ ଭୂକମ୍ପ ସୃଷ୍ଟି କରିଛି। ଟ୍ରମ୍ପ୍ ସାରା ଜୀବନ ଅନ୍ୟକୁ ଧୋକା ଦେଇଆସିଥିବା ମେରୀ କହିଛନ୍ତି। ଟ୍ରମ୍ପ୍ ଜଣେ ବିଶ୍ୱାସଘାତକ ବୋଲି ପୁସ୍ତକରେ ଦର୍ଶାଯାଇଛି। ଏହା ଦ୍ୱାରା ରାଷ୍ଟ୍ରପତି ଟ୍ରମ୍ପ୍ଙ୍କ ପାରିବାରିକ ବିବାଦ ଏବେ ଲୋକଙ୍କ ପାଖରେ ପହଞ୍ଚିଯାଇଥିବା କୁହାଯାଉଛି। ତେବେ ମେରୀଙ୍କ ଅଭିଯୋଗକୁ ହ୍ବାଇଟ୍ ହାଉସ୍ ପକ୍ଷରୁ ଅଗ୍ରାହ୍ୟ କରାଯାଇଛି।
