ଓ୍ବାଶିଂଟନ,୧୧।୧୦: ନଭେମ୍ବରରେ ଆମେରିକାରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ। ଭାରତ ପରି ଆମେରିକାର ନାଗରିକଙ୍କୁ ମଧ୍ୟ ବିଭିନ୍ନ ପ୍ରକାରର ନିର୍ବାଚନ ପ୍ରତିଶ୍ରୁତି ଦିଆଯାଉଛି। ବର୍ତ୍ତମାନ ଦିଲ୍ଲୀର ଲୋକଙ୍କ ପରି ଆମେରିକୀୟ ନାଗରିକମାନେ ମଧ୍ୟ ମାଗଣା ବିଜୁଳି ପାଇବେ। ମିଚିଗାନରେ ଏକ ନିର୍ବାଚନୀ ସମାବେଶକୁ ସମ୍ବୋଧିତ କରିବାବେଳେ ରିପବ୍ଲିକାନ ପ୍ରାର୍ଥୀ ନେତା ଡୋନାଲ୍ଡ ଟ୍ରମ୍ପ କହିଛନ୍ତି ଯେ ସେ ୧୨ମାସ ମଧ୍ୟରେ ଶକ୍ତି ଏବଂ ବିଜୁଳି ମୂଲ୍ୟ ହ୍ରାସ କରିବେ। ଆମେ ଆମର ପରିବେଶ ଅନୁମୋଦନକୁ ଗମ୍ଭୀରତାର ସହିତ ତ୍ୱରାନ୍ବିତ କରିବୁ ଏବଂ ଆମର ଶକ୍ତି କ୍ଷମତାକୁ ଶୀଘ୍ର ଦ୍ୱିଗୁଣିତ କରିବୁ । ଏହା ମୁଦ୍ରାସ୍ଫୀତି ହ୍ରାସ କରିବ ଏବଂ କାରଖାନା ନିର୍ମାଣ ପାଇଁ ଆମେରିକା ଏବଂ ମିଚିଗାନ ପୃଥିବୀର ସର୍ବୋତ୍ତମ ସ୍ଥାନ ହେବ।
ଡୋନାଲ୍ଡ ଟ୍ରମ୍ପଙ୍କ ଭିଡିଓକୁ ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଏବଂ ଆମ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜରିୱାଲ ଶେୟାର କରିଛନ୍ତି। ସେ ଲେଖିଛନ୍ତି ଆମେରିକାରେ ଟ୍ରମ୍ପ ବିଜୁଳି ବିଲ୍ ଅଧା କରିଦେବେ। ସୂଚନାଯୋଗ୍ୟ, ଭାରତରେ ନିର୍ବାଚନ ଋତୁ ଆସିବା ମାତ୍ରେ ସମସ୍ତ ଦଳ ମାଗଣା ପ୍ରତିଶ୍ରୁତି ଦେବା ଆରମ୍ଭ କରନ୍ତି। ଜନସାଧାରଣଙ୍କୁ ମାଗଣା ଦେବା ପାଇଁ ନେତାମାନେ ଅନେକ ପ୍ରତିଶୃତି ଦିଅନ୍ତି। ଦିଲ୍ଲୀର ମହିଳାମାନଙ୍କ ପାଇଁ ମାଗଣା ବସ ସେବା, ୨୦୦ ୟୁନିଟ ପର୍ଯ୍ୟନ୍ତ ମାଗଣା ବିଜୁଳି ଭଳି ଅନେକ ପ୍ରତିଶ୍ରତି ଅନେକ ରାଜ୍ୟରେ ଦିଆଯାଉଛି ଏବଂ ଏହା ମଧ୍ୟ ପୂରଣ ହେଉଛି। ଆମେରିକୀୟ ନିର୍ବାଚନରେ ପ୍ରଥମ ଥର ପାଇଁ ଏହି ପ୍ରକାରର ପ୍ରଲୋଭନ ଦେଖାଯାଉଛି।
