ଓ୍ବାଶିଂଟନ,୮।୭ : ମାଇଲସ ଟେଲରଙ୍କ ପୁସ୍ତକର ଏକ କପି ଦର୍ଶାଇ ନ୍ୟୁଜ ରିପୋର୍ଟ କରିଛି ତତ୍କାଳୀନ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଖବରଦାତାମାନଙ୍କ ସହ କଥାବାର୍ତ୍ତା ବେଳେ ବର୍ଗୀକୃତ ସୂଚନା ପ୍ରତି ଯତ୍ନବାନ ନ ଥିଲେ। ଡୋନାଲ୍ଡ ଟ୍ରମ୍ପ ପ୍ରଶାସନରେ ହୋମେଲାଣ୍ଡ ସୁରକ୍ଷା ସଚିବ ର୍କିଷ୍ଟଜେନ ନିଲସେନଙ୍କ ଜଣେ ବରିଷ୍ଠ ସହାୟକକାରୀ ମାଇଲ୍ସ ଟେଲର ଏକ ଘଟଣାକୁ ମନେ ପକାଇ କହିଛନ୍ତି ସେତେବେଳେ ଟ୍ରମ୍ପଙ୍କ ଆଚରଣ ନେଇ ଅଧିକାରୀମାନେ ଚିନ୍ତିତ ଥିଲେ। ଡୋନାଲ୍ଡ ଟ୍ରମ୍ପଙ୍କ ସହଯୋଗୀମାନେ ବିଶ୍ୱାସ କରିଥିଲେ ସେ ବର୍ଗୀକୃତ ରାଜ୍ୟ ଦଲିଲ ଏବଂ ସମ୍ବେଦନଶୀଳ ରେକର୍ଡଗୁଡ଼ିକ ସହିତ ଅଧିକ ସଚେତନ ହେବା ଆବଶ୍ୟକ । ମାଇଲ୍ସ ଟେଲର କହିଛନ୍ତି ପ୍ରେସ ଲିକକୁ ରୋକିବା ପାଇଁ ହ୍ବାଇଟ ହାଉସର ସହାୟକଙ୍କ ଫୋନକୁ ଟ୍ୟାପ କରିବାକୁ ଡୋନାଲ୍ଡ ଟ୍ରମ୍ପଙ୍କ ଆଗ୍ରହ ବିଷୟରେ ସେ ଶୁଣିଛନ୍ତି। ଏହି ପ୍ରସଙ୍ଗରେ ଟ୍ରମ୍ପ ତାଙ୍କ ସହଯୋଗୀଙ୍କ ଉପରେ ରାଗିଥିଲେ।]
୧୮ଅକ୍ଟୋବର ୨୦୧୮ରେ ତତ୍କାଳୀନ ଡୋନାଲ୍ଡ ଟ୍ରମ୍ପଙ୍କ ଜାତୀୟ ସୁରକ୍ଷା ପରାମର୍ଶଦାତା ଜନ ବୋଲ୍ଟନଙ୍କ ସହ ଯେତେବେଳେ ସେ ୱେଷ୍ଟ ୱିଙ୍ଗରେ ଏକ ବ୍ୟକ୍ତିଗତ ସଭାରେ ଉପସ୍ଥିତ ଥିଲେ, ସେ ସମ୍ପର୍କରେ ମାଇଲ୍ସ ଟେଲର ବର୍ଣ୍ଣନା କରିଛନ୍ତି। ତାପରେ୍ ହ୍ବାଇଟ ହାଉସର ପ୍ରେସ ସଚିବ ସାରା ହକାବି ସାଣ୍ଡର୍ସ ଜନ ବୋଲଟନଙ୍କ କାର୍ଯ୍ୟାଳୟକୁ ଆସି ଡୋନାଲ୍ଡ ଟ୍ରମ୍ପଙ୍କ ତରଫରୁ ଏକ ଓଭାଲ ଅଫିସ ସାକ୍ଷାତକାର ବିଷୟରେ ବର୍ଣ୍ଣନା କରିଥିଲେ ଯେଉଁଠାରେ ସେ ତୁର୍କୀରେ ସାଉଦି ହତ୍ୟାକାରୀଙ୍କ ଦ୍ୱାରା ହତ୍ୟା କରାଯାଇଥିବା ଖବରଦାତା ଜମାଲ ଖାସୋଗିଙ୍କ ବିଷୟରେ କହିଥିଲେ।
ସାରା ସାଣ୍ଡର୍ସ ଜନ ବୋଲ୍ଟନଙ୍କୁ କହିଛନ୍ତି ରାଷ୍ଟ୍ରପତି ଜମାଲ ଖାସୋଗିଙ୍କ ମୃତ୍ୟୁ ସମ୍ପର୍କରେ ଗୁପ୍ତଚର ସମ୍ବନ୍ଧୀୟ ବର୍ଗୀକୃତ ଦସ୍ତାବିଜ ଜବତ କରିଥିଲେ। ପୁସ୍ତକ ଦାବି କରିଛି ଜନ ବୋଲଟନ ପ୍ରଥମେ ଚିନ୍ତିତ ଥିଲେ କିନ୍ତୁ ସାରା ସାଣ୍ଡର୍ସ ତାଙ୍କୁ କୋଠରୀରେ କ୍ୟାମେରା ନାହିଁ ବୋଲି କହି ଦୀର୍ଘ ନିଶ୍ୱାସ ତ୍ୟାଗ କରିଥିଲେ। ମାଇଲସ ଟେଲର୍ ଲେଖିଛନ୍ତି, ତଥାପି ପ୍ରୋଟୋକଲରେ ଥିବା ତ୍ରୁଟି ଏବଂ ଅସାବଧାନତା କାରଣରୁ ଆମେ ସମସ୍ତେ ଭୟଭୀତ ହୋଇଥିଲୁ ଯାହା ସହିତ ଗୁପ୍ତ ସୂଚନା ପରିଚାଳନା କରାଯାଇଥିଲା।