ବାଉଁଶୁଣୀ,୨୫।୧୨(ଡି.ଏନ୍.ଏ.): ବୌଦ୍ଧ ବ୍ଲକ ବାଉଁଶୁଣୀ ଥାନା ମୁଣ୍ଡିପଦର ପଞ୍ଚାୟତ ବଲାକିରା ଗ୍ରାମରେ ଶୁକ୍ରବାର ବିଳମ୍ବିତ ରାତିରେ ଏକ ଜଘନ୍ୟ ହତ୍ୟାକାଣ୍ଡ ଘଟିିଛି ।
ସୂଚନାଯୋଗ୍ୟ, ବୌଦ୍ଧ ବ୍ଲକ ଟିକରପଡା ପଞ୍ଚାୟତ ଅନ୍ତର୍ଗତ ବୁରଗୋରା ଗ୍ରାମର ଗୋବର୍ଦ୍ଧନ ଖଟୁଆ ନାମକ ଜଣେ ଯୁବକ ବଲାକିରା ଗ୍ରାମରେ ବିବାହ କରି ଶ୍ୱଶୁର ଘର ଗାଁ ରେ ରହୁଥିଲେ । ସେହି ଗ୍ରାମରେ ରହୁଥିବା ତାଙ୍କ ଶ୍ୱଶୁରଙ୍କ ଭାଇ ପବିତ୍ର ପ୍ରଧାନ ଓ ତାଙ୍କ ଦୁଇ ପୁଅ ବ୍ରହ୍ମା ଓ ବିଷ୍ଣୁ ମିଶି ଶୁକ୍ରବାର ରାତିରେ ଗୋବର୍ଦ୍ଧନଙ୍କୁ ଖଟ ବାହିରେ ପିଟି ପିଟି ଗାଁ ଦାଣ୍ଡରେ ହତ୍ୟା କରିଥିବା ଗୋବର୍ଦ୍ଧନଙ୍କ ସ୍ତ୍ରୀ ବାଉଁଶୁଣୀ ଥାନାରେ ଅଭିଯୋଗ କରିଛନ୍ତି । ରାତିରେ ଗୋବର୍ଦ୍ଧନ ଦେଇଥିବା ଇଟା ପଇସା ମାଗିବାକୁ ପବିତ୍ରଙ୍କ ଘରକୁ ଯାଇଥିଲେ । କୌଣସି କଥାକୁ ନେଇ ବଚସା ହେବା ପରେ ପବିତ୍ର ଓ ତାଙ୍କର ଦୁଇ ପୁଅ ଖଟ ବାଡି ଓ କାଠ ଫାଳିଆ ସାହାଯ୍ୟରେ ଗାଁ ଦାଣ୍ଡରେ ଗୋଡ଼ାଇ ଗୋଡ଼ାଇ ଗୋବର୍ଦ୍ଧନର ମୁଣ୍ଡରେ ଆଘାତ କରିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି। ଗୋବର୍ଦ୍ଧନଙ୍କ ମୃତଦେହ ବାଉଁଶୁଣୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ରଖାଯାଇଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ବୋଲି ଥାନା ଅଧିକାରୀ ସୁବାସ ଚନ୍ଦ୍ର ରାୟଗୁରୁ କହିଛନ୍ତି । ହତ୍ୟାକାଣ୍ଡ ପରେ ଅଭିଯୁକ୍ତ ମାନେ ଫେରାର ଥିବା ପୋଲିସ ସୁତ୍ରରୁ ଜଣାପଡିଛି ।
