ପେଶାଓ୍ବର,୨।୫: ପାକିସ୍ତାନ ସୁରକ୍ଷାକର୍ମୀ ଦେଶର ଅଶାନ୍ତ ଅଞ୍ଚଳ ଖେବର ପଖତୁନଖ୍ବାରେ ଭିନ୍ନ ଭିନ୍ନ ଗୁଇନ୍ଦା ଆଧାରିତ ଅଭିଯାନରେ ଜଣେ କୁଖ୍ୟାତ ତହରିକ-ଏ-ତାଲିବାନ ପାକିସ୍ତାନ(ଟିଟିପି) କମାଣ୍ଡର ଓ ଦୁଇ ଅନ୍ୟଙ୍କୁ ନିହତ କରିଛନ୍ତି। ଏହାସହ କିଛି ମହତ୍ୱପୂର୍ଣ୍ଣ ଗିରଫଦାରି ବି କରିଛନ୍ତି। ମିଡିଆ ରିପୋର୍ଟରେ ମଙ୍ଗଳବାର ଏହି ଘଟଣା ସାମ୍ନାକୁ ଆସିଛି।
ଡନ ଖବରକାଗଜ କହିଛି, ଆତଙ୍କବାଦୀ ଥିବା ସୂଚନା ମିଳିବା ପରେ ସୁରକ୍ଷାକର୍ମୀ ଆଫଗାନିସ୍ତାନର ସୀମାକୁ ଲାଗିଥିବା ଦେଶର ଉତ୍ତର-ପଶ୍ଚିମ ପ୍ରାନ୍ତର ଟାଂକ ଓ ଡେରା ଇସମାଇଲ ଖାନ ଜିଲାରେ ସୋମବାର ଦୁଇଟି ଭିନ୍ନ ଭିନ୍ନ ଅଭିଯାନ ଚଳାଇଥିଲେ। ରିପୋର୍ଟରେ କୁହାଯାଇଛି କି ପ୍ରତିବନ୍ଧିତ ଟିଟିପି ଗଣ୍ଡାପୁର ଗ୍ରୁପର ଅବଦୁଲ ଜବର ଶାହ ସୁରକ୍ଷାକର୍ମୀଙ୍କ ଦ୍ୱାରା ନିହତ ହୋଇଥିବା ୩ ଆତଙ୍କବାଦୀଙ୍କ ମଧ୍ୟରେ ସାମିଲ ଅଛନ୍ତି।