ନୂଆଦିଲ୍ଲୀ,୨୨।୧୧-ଜମ୍ମୁ-କଶ୍ମୀର ସ୍ଥିତ ସାମ୍ବା ସେକ୍ଟର ନିକଟ ଅନ୍ତର୍ଜାତୀୟ ସମୀରେ ରବିବାର ଯବାନମାନେ ଏକ ସୁଡଙ୍ଗ ଠାବ କରିଛନ୍ତି। ଗତ ଗୁରୁବାର ଜୈଶ-ଇ-ମହମ୍ମଦ ଆତଙ୍କବାଦୀ ଗୋଷ୍ଠୀର ୪ ଜଣ ସଦସ୍ୟ ଏହି ସୁଡଙ୍ଗ ଦେଇ ଭାରତରେ ପ୍ରବେଶ କରିଥିବା ସନ୍ଦେହ କରାଯାଉଛି। ଏକ ଚାଉଳ ବୋଝେଇ ଟ୍ରକରେ ବସି ଉକ୍ତ ୪ ଆତଙ୍କୀ କଶ୍ମୀର ଅଭିମୁଖେ ଯାଉଥିବାବେଳେ ରାଜପଥରେ ଥିବା ଟୋଲପ୍ଲାଜାରେ ଟ୍ରକକୁ ସୁରକ୍ଷାକର୍ମୀ ଅଟକାଇଥିଲେ। ସେହି ସମୟରେ ଅଚାନକ ଆତଙ୍କୀମାନେ ଗୁଳି ଚାଳନା କରିଥିଲେ। ପରେ ସୁରକ୍ଷାକର୍ମୀ ଓ ଆତଙ୍କୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଏଥିରେ ୪ ଆତଙ୍କୀ ନିହତ ହୋଇଥିଲେ। ପରେ ଟ୍ରକରୁ ୧୧ଟି ଏ.କେ-୪୭ ବନ୍ଧୁକ, ୩ଟି ପିସ୍ତଲ, ୨୯ଟି ଗ୍ରେନେଡ ସମେତ ବିସ୍ପୋରକ ସାମଗ୍ରୀ ଜବତ କରାଯାଇଥିଲା।
ପୋଲିସ କହିଛି, ନଭେମ୍ବର ୨୮ ରୁ ଆଠଟି ପର୍ଯ୍ୟାୟରେ ହେବାକୁ ଥିବା ଜିଲା ବିକାଶ ପରିଷଦ ମତଦାନକୁ ଭଣ୍ଡୁର କରିବା ପାଇଁ ଆତଙ୍କବାଦୀମାନେ ଏକ ବଡ ଯୋଜନା କାର୍ଯ୍ୟକାରୀ କରିବାକୁ ଆସିଥିଲେ।
#Tunnel has been detected near the International Border in Jammu and Kashmir's sector #Samba sector. The underground tunnel is suspected to have been used by four Jaish-e-Mohammad terrorists to sneak into the country from Pakistan. @indiatvnews https://t.co/hb9YRLawfW pic.twitter.com/A71FlFZK18
— Manish Prasad (@manishindiatv) November 22, 2020
