ଅଙ୍କାରା,୧୦ ।୨: ତୁର୍କୀ ଓ ସିରିଆରେ ଭୁକମ୍ପ ପ୍ରଭାବିତଙ୍କ ଉଦ୍ଧାର କାର୍ଯ୍ୟରେ ବ୍ୟସ୍ତଥିବା ଜଣେ ଭାରତୀୟ ମହିଳା ସେନାଙ୍କର ଏକ ଫଟୋ ଏବେ ସାରା ବିଶ୍ୱରେ ଭାଇରାଲ ହୋଇଛି । ଏହି ଫଟୋଟି ତୁର୍କୀର ଇସ୍କେଂଡରୁନ ସହରରର ଆର୍ମି ଫିଲ୍ଡ ହସ୍ପିଟାଲର । ଫଟୋରେ ଜଣେ ଭାରତୀୟ ମହିଳା ଅଧିକାରୀଙ୍କୁ ଦେଖିବାକୁ ମିଳିଛି । ଯେଉଁଥିରେ ଉଦ୍ଧାର କାର୍ଯ୍ୟରେ ହସ୍ପିଟାଲ ଆସିଥିବା ଜଣେ ମହିଳାଙ୍କୁ ସେ ଆଲିଙ୍ଗନ କରୁଛନ୍ତି ।
ଏହି ଫଟୋକୁ ଇଣ୍ଡିଆନ ଆର୍ମି ଶେୟାର କରିଛି ଆଉ କ୍ୟାପଶନରେ ଲେଖିଛି, ଆମେ ଯତ୍ନବାନ । ତୁର୍କୀ ଓ ସିରିଆରେ ଭୂକମ୍ପ ପରେ ରିଲିଫ୍ କାର୍ଯ୍ୟ ପାଇଁ ତୁର୍କୀକୁ ଭାରତୀୟ ସେନା ଓ ଏନଡିଆରଏଫ ଟିମକୁ ‘ଅପରେଶନ ଦୋସ୍ତ’ରେ ପଠାଯାଇଛି । ଏମାନେ ସେଠାରେ ଫସି ରହିଥିବା ଲୋକଙ୍କୁ ଉଦ୍ଧାର କରୁଛନ୍ତି ।