ଆଙ୍କରା,୧୫।୧୨: ଇସ୍ରାଏଲ ଓ ହମାସ ମଧ୍ୟରେ ଯୁଦ୍ଧ ଜାରି ରହିଛି। ଗତ କିଛି ମାସ ଧରି ଚାଲିଥିବା ଏହି ଯୁଦ୍ଧ ଏବେ ବିପଜ୍ଜନକ ମୋଡ଼ ନେଇଛି। ଉଭୟ ପକ୍ଷର ଲୋକଙ୍କୁ ହତ୍ୟା କରାଯାଉଛି। ହମାସ ଆକ୍ରମଣରେ ଇସ୍ରାଏଲ ସେନାର ୫ ହଜାରରୁ ଅଧିକ ସୈନିକ ପ୍ରାଣ ହରାଇଥିବା ବେଳେ ମହିଳା ଓ ଶିଶୁଙ୍କ ସମେତ ୧୭ ହଜାରରୁ ଅଧିକ ପାଲେଷ୍ଟାଇନ ମଧ୍ୟ ଏହି ଯୁଦ୍ଧରେ ପ୍ରାଣ ହରାଇଥିବା ଜଣାଯାଇଛି। ଏଭଳି ସ୍ଥିତିରେ ଏହି ଭୟଙ୍କର ଯୁଦ୍ଧକୁ ନେଇ ସମଗ୍ର ବିଶ୍ୱରେ ଚର୍ଚ୍ଚା ଜୋର ଧରିଛି । କିଛି ଲୋକ ହମାସକୁ ନିଷ୍ଠୁର କହୁଛନ୍ତି ତ କେହି ଇସ୍ରାଏଲକୁ ଦୋଷୀ ଭାବୁଛନ୍ତି। ଏଥିରେ ତୁର୍କୀ ସାଂସଦ ମଧ୍ୟ ସାମିଲ ଅଛନ୍ତି। ତୁର୍କୀର ଜଣେ ସାଂସଦଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହାକୁ ଦେଖି ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି।
ତୁର୍କୀର ଜଣେ ସାଂସଦ ଏକ ବୈଠକରେ ଇସ୍ରାଏଲକୁ ଗାଳି କରୁଥିଲେ, ହଠାତ୍ ତାଙ୍କର ହାର୍ଟଆଟାକ୍ ହୋଇଥିଲା। ଏହି ସାଂସଦଙ୍କ ନାମ ହାସନ ବିଟମେଜ। ସେ ବୈଠକକୁ ସମ୍ବୋଧିତ କରି କରୁଥିଲେ, ଏହି ସମୟରେ ସେ ହଠାତ୍ ତଳେ ପଡ଼ିଯାଇଥିଲେ। ସେଠାରେ ଉପସ୍ଥିତ ଥିବା ଲୋକେ ତୁରନ୍ତ ତାଙ୍କ ଆଡ଼କୁ ଦୌଡ଼ି ଆସିଥିଲେ। ପରେ ତାଙ୍କୁ ସିପିଆର୍ ଦେବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏବେ ତାଙ୍କ ଅବସ୍ଥା ଏବେ ବି ସଙ୍କଟାପନ୍ନ ରହିଛି।