ମୁମ୍ବାଇ,୨୨ ।୧୧: ମହାତ୍ମା ଗାନ୍ଧୀଙ୍କ ଅଣନାତୀ ତୁଷାର ଗାନ୍ଧୀ ଦାବି କରିଛନ୍ତି ଯେ ସ୍ୱତନ୍ତ୍ରତା ସେନାନୀ ବିନାୟକ ଦାମୋଦର ସାବରକର ରାଷ୍ଟ୍ରପିତାଙ୍କ ହତ୍ୟା ପାଇଁ ନାଥୁରାମ ଗଡେସେଙ୍କୁ ଏକ ‘ପ୍ରଭାବଶାଳୀ ବନ୍ଧୁକ ‘ଖୋଜିବାରେ ସାହାଯ୍ୟ କରିଥିଲେ । ଭାରତୀୟ ଜନତା ପାର୍ଟି(ଭାଜପା)ର ମହାରାଷ୍ଟ୍ର ମୁଖ୍ୟ ତୁଷାର ଗାନ୍ଧୀଙ୍କ ଏହି ଟିପ୍ପଣକୁ ଭିତ୍ତିହୀନ ବୋଲି କହିଛନ୍ତି ।
ତୁଷାର ଗାନ୍ଧୀ ରବିବାର ଟୁଇଟ କରି କହିଥିଲେ ସାବରକର ନା କେବଳ ଇଂରେଜଙ୍କୁ ସାହାଯ୍ୟ କରିଥିଲେ ବରଂ ସେ ବାପୁଙ୍କ ହତ୍ୟା ପାଇଁ ନାଥୁରାମ ଗଡସେଙ୍କୁ ଏକ ‘ପ୍ରଭାବଶାଳୀ ବନ୍ଧୁକ’ ଖୋଜି ଦେବାରେ ସହାହାଯ୍ୟ କରିଥିଲେ । ବାପୁଙ୍କ ହତ୍ୟାର ଦୁଇ ଦିନ ପୂର୍ବରୁ ଗଡସେଙ୍କ ନିକଟରେ ମୋହନଦାସ କରମଚାନ୍ଦ ଗାନ୍ଧୀଙ୍କୁ ହତ୍ୟା କରିବାକୁ ଏକ ବିଶ୍ୱସନୀୟ ଅସ୍ତ୍ର ନ ଥିଲା ।
ତୁଷାର ଗାନ୍ଧୀ ଆହୁରି ମଧ୍ୟ ଦାବି କରିଛନ୍ତି ଶିବସେନାର ସଂସ୍ଥାପକ ବାଲ ଠାକରେଙ୍କ ପିତା ତଥା ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଦାଦା ପ୍ରବୋଧନକର ଠାକରେ ମହାତ୍ମା ଗାନ୍ଧୀଙ୍କ ସାଥିଙ୍କୁ ରାଷ୍ଟ୍ର୍ରପିତାଙ୍କ ହତ୍ୟାର ଷଡଯନ୍ତ୍ର ବିଷୟରେ ସୂଚନା ଦେଇଥିଲେ । ଏହାରି ଉପରେ ତୁଷାର ଗାନ୍ଧୀ ସନାତନ ହିନ୍ଦୁଙ୍କ ନେତା ସାବରକର ଓ ରାଷ୍ଟ୍ରୀୟ ସ୍ୱୟଂ ସେବକ ସଂଘର ସଂସ୍ଥାପକ କେଶବ ଲିରାମ ହେଡଗୋୱାରଙ୍କର ଆଲୋଚନା କରିଥିଲେ ।
