ଆବଶ୍ୟକ ସାମଗ୍ରୀ: ମଇଦା ୨୫୦ଗ୍ରାମ୍, ବେକିଂ ପାଉଡର ୨ ଟିସ୍ପୁନ୍, ଲୁଣ ନ ଥିବା ବଟର ୧୫୦ ଗ୍ରାମ୍, ଚିନି ପାଉଡର ୧୫୦ ଗ୍ରାମ୍, ଅଣ୍ଡା ୪ଟି, ଲେମନ୍ ଏସେନ୍ସ ୬-୭ ବୁନ୍ଦା, ଭ୍ୟାନିଲା ଏସେନ୍ସ ଅଧାଚାମଚ, କ୍ଷୀର ୧୦୦ମିଲି. ଟୁଟି ଫୁଟି ୬ ଚାମଚ, ଚେରି ୧୦ଟି, କିସ୍ମିସ୍ ୪ ଚାମଚ ଏବଂ ଲୁଣ ସ୍ବାଦାନୁସାରେ। a
ପ୍ରସ୍ତୁତି ପ୍ରଣାଳୀ: ପ୍ରଥମେ ଚୁଲାରେ ଏକ କଡ଼େଇ ଗରମ କରନ୍ତୁ। ଏହା ଭିତରେ ଏକ ଷ୍ଟାଣ୍ଡ ରଖନ୍ତୁ। ଏକ କେକ୍ କଣ୍ଟେନର ନିଅନ୍ତୁ ଏବଂ ସେଥିରେ ଘିଅ କିମ୍ବା ବଟର ଲଗାଇ ଗ୍ରୀସ୍ କରନ୍ତୁ। ଏକ ପାତ୍ରରେ ମଇଦା, ବେକିଂ ପାଉଡର ଏବଂ ଲୁଣ ମିଶାଇ ଛଣି ସାହାଯ୍ୟରେ ଚଲାଇ ଦିଅନ୍ତୁ। ଅନ୍ୟ ଏକ ପାତ୍ରରେ ବଟର ଏବଂ ଚିନି ପାଉଡର ନେଇ ଭଲ ଭାବେ ମିଶାନ୍ତୁ। ଏଥିରେ ଗୋଟେ ଗୋଟେ ଅଣ୍ଡା ଫଟାଇ ପକାନ୍ତୁ ଏବଂ ଭଲ ଭାବେ ଗୋଳାନ୍ତୁ। ଭଲ ଭାବେ ମିଶିଯିବା ପରେ ଲେମନ ଏସେନ୍ସ ଏବଂ ଭ୍ୟାନିଲା ଏସେନ୍ସ ମିଶାନ୍ତୁ। ଏଥିରେ ପୂର୍ବରୁ ରଖିଥିବା ମଇଦା ମିଶ୍ରଣକୁ ଅଳ୍ପ ଅଳ୍ପ ପକାଇ ଗୋଳାନ୍ତୁ। ସେଥିରେ ଟୁଟିଫୁଟି, କିସ୍ମିସ୍ ଏବଂ କଟା ଚେରି ପକା ଭଲ ଭାବେ ଗୋଳାଇ ଦିଅନ୍ତୁ। ଏହାକୁ କେକ୍ କଣ୍ଟେନରରେ ଢାଳି ଧୀରେ ଧୀରେ ବାଡ଼େଇ ଦିଅନ୍ତୁ ଯେପରି ମିଶ୍ରଣ ସବୁଆଡ଼େ ସମାନ ଭାବେ ରହିବ। ଏହାକୁ ୧୦-୧୫ ମିନିଟ୍ ଚୁଲାରେ ବସିଥିବା ଗରମ କଡ଼େଇ ଭିତରେ ଥିବା ଷ୍ଟାଣ୍ଡରେ ରଖି କଡ଼େଇକୁ ଘୋଡ଼ାଇ ଦିଅନ୍ତୁ। ପ୍ରାୟ ୩୦-୩୫ ମିନିଟ୍ ପରେ ଏକ ଛୁରି ଟୁଥ୍ ପ୍ରିକ୍ ସାହାଯ୍ୟରେ କେକ୍କୁ ଫୁଟାଇ ଦେଖନ୍ତୁ। ଯଦି ସେଥିରେ ଅଠାଳିଆ ନ ଲାଗୁଛି ତେବେ କେକ୍ ସମ୍ପୂର୍ଣ୍ଣ ପ୍ରସ୍ତୁତ ହୋଇ ଯାଇଛି। ଚୁଲାକୁ ବନ୍ଦ କରି କେକ୍ ଥଣ୍ଡା ହେବାକୁ ଛାଡ଼ିଦିଅନ୍ତୁ। ନିଜେ ପ୍ରସ୍ତୁତ କରିଥିବା ଏହି ଟେଷ୍ଟି କେକ୍କୁ ସମସ୍ତଙ୍କୁ ଖୁଆଇବାର ମଜା ନିଅନ୍ତୁ।