କପିଲ ଶର୍ମା, କମେଡି ଦୁନିଆର ଏମିତି ଏକ ନାମ ଯାହାର ପରିଚୟର କୌଣସି ଆବଶ୍ୟକତା ନାହିଁ। ସେ କମେଡି ମାଧ୍ୟମରେ ଟିଭି ଇଣ୍ଡଷ୍ଟ୍ରିରେ ନିଜର ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି। ‘କମେଡି ନାଇଟ୍ସ ଓ୍ବିଥ୍ କପିଲ‘ ଏବଂ ‘ଦ କପିଲ ଶର୍ମା’ ପରେ କପିଲ ଶର୍ମା ଏକ ଚର୍ଚ୍ଚିନ ନାମ ହୋଇଯାଇଛି। ଟିଭି ଦୁନିଆରେ ସଫଳ ହେବା ପରେ ଏବେ ଏହି କମେଡି କିଙ୍ଗ୍ ଡିଜିଟାଲ ଦୁନିଆରେ ପ୍ରବେଶ ପାଇଁ ପ୍ରସ୍ତୁତି ଚଳାଇଛନ୍ତି। ଏକ ଓ୍ବେବ୍ ସିରିଜ୍ ସହ ଓଟିଟି ପ୍ଲାଟଫର୍ମରେ ଡେବ୍ୟୁ କରିବାକୁ ଯାଉଛନ୍ତି। ଏଥିପାଇଁ ସେ ମୋଟା ଅଙ୍କର ଅର୍ଥ ନେବେ। କପିଲ ୨୦ କୋଟି ଟଙ୍କା ଚାର୍ଜ କରିଥିବା ତାଙ୍କର ସାଥୀ କଳାକାର ସପ୍ନା ଅର୍ଥାତ୍ କ୍ରିଷ୍ଣା ଅଭିଷେକ କହିଛନ୍ତି। ତେବେ ଆଗାମୀ ଦିନରେ ପ୍ରକୃତ କଥା ଜଣାପଡ଼ିବ।
