ଭୁବନେଶ୍ୱର,୩।୧୧: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ଟିଭିଏସ୍ ମୋଟରର ନୂଆ ଟିଭିଏସ୍ ଆଇକ୍ୟୁବ୍ ଇଲେକ୍ଟ୍ରିକ୍ ସ୍କୁଟର ସିରିଜକୁ ଓଡ଼ିଶା ବଜାରରେ ଉନ୍ମୋଚନ କରାଯାଇଛି। ବୁଧବାର ସ୍ଥାନୀୟ ଡୁମ୍ଡୁମାଠାରେ ଅବସ୍ଥିତ ଏକ ହୋଟେଲ ପରିସରରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ କମ୍ପାନୀ ୩ଟି ଭାରିଆଣ୍ଟ ‘ଟିଭିଏସ୍ ଆଇକ୍ୟୁବ୍, ଟିଭିଏସ୍ ଆଇକ୍ୟୁବ୍ ଏସ୍ଟି ଏବଂ ଟିଭିଏସ୍ ଆଇକ୍ୟୁବ୍ ଏସ୍ର ଅନାବରଣ ମଧ୍ୟ କରାଯାଇଛି। ଓଡ଼ିଶା ବଜାରରେ ଉକ୍ତ ଇ-ସ୍କୁଟରକୁ ବ୍ୟାପକ ଗ୍ରାହକ ସମର୍ଥନ ମିଳିବା ପରେ କମ୍ପାନୀ ତା’ର ବଜାର ପ୍ରବେଶ କରାଇଛି।
ସେହିଭଳି ଉପରୋକ୍ତ ସ୍କୁଟରଗୁଡ଼ିକରେ ବ୍ୟାପକ ଇଣ୍ଟେଲିଜେଣ୍ଟ କନେକ୍ଟେଡ୍ ସୁବିଧା ସୁଯୋଗ ମଧ୍ୟ ରହିଛି। ଏଥିରେ ୭ ଇଞ୍ଚ୍ ଟିଏଫ୍ଟି ଟଚ୍ସ୍କ୍ରିନ୍ ଏବଂ କ୍ଲିନ୍ ୟୁଆଇ ସହ ଇନ୍ଫିନିଟି ଥିମ୍ ପର୍ସନାଲାଇଜେଶନ, ଭଏସ୍ ଆସିଷ୍ଟ ଏବଂ ଟିଭିଏସ୍ ଆଇକ୍ୟୁବ୍ ଆଲେକ୍ସା ସ୍କିଲ୍ ସେଟ୍, ମ୍ୟୁଜିକ୍ ପ୍ଲେୟାର କଣ୍ଟ୍ରୋଲ, ଓଟିଏ ଅପ୍ଡେଟ୍, ପ୍ଲଗ୍ ଆଣ୍ଡ ପ୍ଲେ କ୍ୟାରି ସହିତ ଚାର୍ଜିଂ, ଯାନ ସ୍ବାସ୍ଥ୍ୟ ଓ ସୁରକ୍ଷା ନୋଟିଫିକେଶନ, ବିବିଧ ବ୍ଲୁଟୁଥ୍, କ୍ଲାଉଡ୍ କନେକ୍ଟିଭିଟି ବିକଳ୍ପ, ୩୨ ଲିଟର ଷ୍ଟୋରେଜ୍ ସ୍ଥାନ ଏବଂ ଆହୁରି ବହୁ କିଛି ବୈଶିଷ୍ଟ୍ୟ ସାମିଲ ରହିଛି। ଏ ସମ୍ପର୍କରେ ଟିଭିଏସ୍ ମୋଟର କମ୍ପାନୀର ବରିଷ୍ଠ ଉପ ସଭାପତି (ଫ୍ୟୁଚର ମୋବିଲିଟି) ମନୁ ସାକ୍ସେନା କହିଛନ୍ତି, ସମ୍ପୂର୍ଣ୍ଣ ଆକର୍ଷଣୀୟ ନୂଆ ଟିଭିଏସ୍ ଆଇକ୍ୟୁବ୍ ସିରିଜ ଏକ ବଡ଼ ଗ୍ରାହକବର୍ଗଙ୍କୁ ଅଧିକ ବିକଳ୍ପ ପ୍ରଦାନ କରୁଛି। ନୂଆ ଟିଭିଏସ୍ ଆଇକ୍ୟୁବ୍ରେ ଉଚ୍ଚ ରେଞ୍ଜ ସହ ବିବିଧ ଚାର୍ଜିଂ ବିକଳ୍ପ ସୁବିଧା ରହିଛି ଏବଂ ଏହା ଶ୍ରେଣୀର ମଧ୍ୟ ଅଗ୍ରଣୀ ଡିସ୍ପ୍ଲେ ଓ ୟୁଆଇ ବିକଳ୍ପ ସହ ଆସିଛି। ସେହିପରି ଟିଭିଏସ୍ ଆଇକ୍ୟୁବ୍ ସିରିଜରେ ୩ଟି ଭାରିଆଣ୍ଟ ଥିବାବେଳେ ୧୧ଟି ରଙ୍ଗ ଏବଂ ୩ଟି ଚାର୍ଜିଂ ବିକଳ୍ପରେ ମଧ୍ୟ ଉପଲବ୍ଧ ହେଉଛି।