ଭୁବନେଶ୍ୱର,୧୮।୯(ବ୍ୟୁରୋ)
ଦୁଇ ଚକିଆ ଏବଂ ୩ ଚକିଆ ଯାନ କ୍ଷେତ୍ରରେ ପ୍ରମୁଖ କମ୍ପାନୀ ଟିଭିଏସ୍ ମୋଟର କମ୍ପାନୀ ଓଡ଼ିଶାରେ ଏହାର ଉପସ୍ଥିତିକୁ ଦୃଢ଼ କରୁଛି। କମ୍ପାନୀ ପକ୍ଷରୁ ଭୁବନେଶ୍ୱର ଖଣ୍ଡଗିରି ଛକଠାରେ ନୂଆ ଡିଲରଶିପ ‘ରିତା ଟିଭିଏସ୍’ ଶୁକ୍ରବାର ଶୁଭାରମ୍ଭ ହୋଇଛି। କମ୍ପାନୀର ବିକ୍ରି ବିଭାଗ ଉପସଭାପତି ୟୁ.ବି.ପାଣ୍ଡେ, ପୂର୍ବାଞ୍ଚଳ ଏବଂ ୟୁପି ଜୋନର ନ୍ୟାଶନାଲ ସେଲ୍ସ ମ୍ୟାନେଜର ଅରବିନ୍ଦ ଗୁପ୍ତା, ରିତା ଟିଭିଏସ୍ର ସ୍ବତ୍ତ୍ୱାଧିକାରୀ ଦିପକ ସ୍ବାଇଁ ଉପସ୍ଥିତ ରହି ଏହାର ଉନ୍ମୋଚନ କରିଥିଲେ। ନୂଆ ଡିଲରଶିପ୍ରେ ବିକ୍ରି, ସର୍ଭିସ ଏବଂ କମ୍ପାନୀର ପାର୍ଟସ ଗ୍ରାହକ ଲାଭ କରିପାରିବେ। ଏଠାରେ ସ୍ବଂୟକ୍ରିତ ସର୍ଭିସ ଶପ୍ ଏବଂ ସ୍ପେଶାଲ ପାର୍ଟସ କାଉଣ୍ଟର ମଧ୍ୟ ରହିଛି। ଏହି ଅବସରରେ ନୂଆ ‘ରେଡର’ ମଡେଲକୁ ମଧ୍ୟ ବଜାର ପ୍ରବେଶ କରାଯାଇଥିଲା। ନୂଆ ଡିଲରଶିପ୍ ଦ୍ୱାରା ରାଜ୍ୟରେ ଟିଭିଏସ୍ ମୋଟର କମ୍ପାନୀର ଟଚ୍ ପଏଣ୍ଟ ୩୬ରେ ପହଞ୍ଚିଛି।
ଦୀର୍ଘ ୧୦୦ ବର୍ଷର ବିଶ୍ୱାସ ସହ କମ୍ପାନୀ ଗ୍ରାହକଙ୍କ ବର୍ଦ୍ଧିତ ଆବଶ୍ୟକତାକୁ ପୂରଣ କରିବା ଲାଗି ବିଭିନ୍ନ ପଦକ୍ଷେପ ଗ୍ରହଣ କରି ଆସୁଛି। ନିରନ୍ତର ଭିତ୍ତିରେ ପ୍ରଡକ୍ଟରେ ଅଭିନବତ୍ୱ, ଗୁଣବତ୍ତାକୁ ସର୍ବୋଚ୍ଚ ଗୁରୁତ୍ୱ ଏବଂ ଅନ୍ତର୍ଜାତୀୟ ମାନର ପ୍ରଡକ୍ଟ ଯୋଗାଣ ଉପରେ ବିଶ୍ୱାସ ରଖାଯାଉଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି।