ମାଲକାନଗିରି,୧୬ା୫: ସବୁଠି ପହଞ୍ଚତ୍ୟାଉଛି କରୋନା। କେଉଁ ଅଞ୍ଚଳ ମଧ୍ୟ ଏହି ମହାମାରୀ ପାଇଁ ଆଉ ଅପହଞ୍ଚ ହୋଇ ରହିନାହିଁ। ମାଲକାନଗିରି ଜିଲାର ସୁଦୂର ବଣ୍ଡାଘାଟିରେ ମଧ୍ୟ ପହଞ୍ଚତ୍ ଆକ୍ରାନ୍ତ କରିଛି ବଣ୍ଡା ଜନଜାତିଙ୍କୁ। ଏହି ଜନଜାତିର ୧୨ ଜଣ କରୋନା ସଂକ୍ରମିତ ହୋଇଥିବା ଶନିବାର ଜଣାପଡିବା ପରେ ରବିବାର ଜିଲା ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି। ମୁଦୁଲିପଡା ପଞ୍ଚାୟତରେ ଏକ ଡାକ୍ତରୀ ଟିମ୍ ପହଞ୍ଚତ୍ ନମୁନା ସଂଗ୍ରହ କରୁଛନ୍ତି। ନମୁନା ପରୀକ୍ଷାକୁ ପ୍ରଶାସନ ଅଧିକ ଗୁରୁତ୍ୱ ଦେଇ ବଣ୍ଡାଘାଟି ଅଞ୍ଚଳରେ ସଚେତନତା କାର୍ଯ୍ୟକୁ ଅଧିକ ତରାନ୍ବିତ କରିବାକୁ ନିଷ୍ପତ୍ତି ନେଇଛି। ଲୋକଙ୍କୁ କରୋନା ମହାମାରୀ ସମ୍ପର୍କରେ ସଚେତନ କରି ମାସ୍କ, ସାନିଟାଇଜର ବଣ୍ଟାଯାଇଛି। ତହସିଲଦାର ରାମଚନ୍ଦ୍ର ନାୟକ ଓ ବିଡିଓ ହୃଦାରଞ୍ଜନ ସାହୁ ବଣ୍ଡାଘାଟିର ବିଭିନ୍ନ ଗ୍ରାମକୁ ଯାଇ ପରିସ୍ଥିତିର ସମୀକ୍ଷା କରିଛନ୍ତି। ଖଇରପୁଟ ସ୍ବାସ୍ଥ୍ୟକେନ୍ଦ୍ରରୁ ଏକ ମୋବାଇଲ ଭ୍ୟାନ ବଣ୍ଡାଘାଟିରେ ପହଞ୍ଚତ୍ ଲୋକଙ୍କୁ ସାନିଟାଇଜର, ଗ୍ଲୋବସ୍, ମାସ୍କ ଆଦି ବଣ୍ଟନ କରିଛି। ଆନ୍ଧ୍ର, ତେଲଙ୍ଗାନା ଓ ମହାରାଷ୍ଟ୍ର ଅଞ୍ଚଳରୁ ଉକ୍ତ ଅଞ୍ଚଳକୁ ପ୍ରବାସୀ ଫେରିଥିଲେ ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରିବା, କରୋନା ଲକ୍ଷଣ ନ ଥିଲେ ମଧ୍ୟ ୧୪ ଦିନ ଗୃହ ସଙ୍ଗରୋଧରେ ରହିବାକୁ ପରାମର୍ଶ ଦିଆଯାଇଛି।