ପାରଳାଖେମୁଣ୍ଡି/ଆର୍.ଉଦୟଗିରି,୧୧।୪: ଗଜପତି ଜିଲା ପାରଳାଖେମୁଣ୍ଡି ଓ ଆର୍.ଉଦୟଗିରି ସବ୍ଜେଲର ୧୨ ଅନ୍ତେବାସୀ କରୋନା ପଜିଟିଭ ଚିହ୍ନଟ ହୋଇଛନ୍ତି। ପାରଳାଖେମୁଣ୍ଡି ଉପକାରାଗାରରେ ବର୍ତ୍ତମାନ ୨୬୦ ଅନ୍ତେବାସୀ ଅଛନ୍ତି। ସେଥିମଧ୍ୟରେ ଗତ ୧ରୁ ୧୦ ତାରିଖ ମଧ୍ୟରେ ୬ ଜଣ କରୋନା ସଂକ୍ରମିତ ହୋଇଛନ୍ତି। ସବ୍ଜେଲ ପରିସରରେ ସ୍ବତନ୍ତ୍ର ଭାବେ ହୋଇଥିବା ସଂଘରୋଧ କେନ୍ଦ୍ରରେ ଆକ୍ରାନ୍ତମାନଙ୍କୁ ରଖାଯାଇଥିବା ସବ୍ଜେଲ ସୁପରିଣ୍ଟେଣ୍ଡେଣ୍ଟ ହନୁ ସେଠୀ ଜଣାଇଛନ୍ତି। ଜେଲ ଦାୟିତ୍ୱରେ ଥିବା ଡାକ୍ତରଙ୍କ ସହ ପାରଳାଖେମୁଣ୍ଡି ମୁଖ୍ୟ ଡାକ୍ତରଖାନାର ଡାକ୍ତର ଆସି ଆକ୍ରାନ୍ତମାନଙ୍କୁ ଚିକିତ୍ସା କରୁଛନ୍ତି । ସେହିପରି ଆର୍.ଉଦୟଗିରି ଉପକାରାଗାରର ଜେଲର ଦୋଳଗୋବିନ୍ଦ ବେହେରା କହିଛନ୍ତି, ବର୍ତ୍ତମାନ ୫୫ଜଣ ବିଚାରାଧୀନ ବନ୍ଦୀ ରହୁଛନ୍ତି। ସମସ୍ତ ଅନ୍ତେବାସୀ ଏବଂ କର୍ମଚାରୀଙ୍କ ଆର୍ଟି-ପିସିଆର୍ ଓ ଆଣ୍ଟିଜେନ ପରୀକ୍ଷା କରାଯାଇଥିଲା। ଶନିବାର ୬ ଅନ୍ତେବାସୀଙ୍କ ରିପୋର୍ଟ ପଜିଟିଭ ଆସିବା ପରେ ସେମାନଙ୍କୁ ଜେଲ ଭିତରେ ସ୍ବତନ୍ତ୍ର ଭାବେ ସଂଘରୋଧରେ ରଖାଯାଇଛି ।