ବରଗଡ଼ ଅଫିସ,୨୦ା୭: ବରଗଡ଼ ଜିଲାରେ ସୋମବାର ପୁଣି ୨୨ ନୂଆ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଆକ୍ରାନ୍ତଙ୍କ ମଧ୍ୟରେ ବରଗଡ଼ ଜିଲା ପୌରାଞ୍ଚଳର ୭ଜଣ, ବରଗଡ଼ ବ୍ଲକ କଟାପାଲି ଗ୍ରାମର ୧୩ଜଣ, ଅତାବିରା ଓ ସୋହେଲା ଅଞ୍ଚଳର ଜଣେ ଲେଖାଏ ଅଛନ୍ତି। ତେବେ ବରଗଡ଼ ପୌରାଞ୍ଚଳର ଆକ୍ରାନ୍ତଙ୍କ ମଧ୍ୟରେ ସହରର ବ୍ରହ୍ମକୁମାରୀ ଗଳିର ୩ ଜଣ ଭୁବନେଶ୍ବର ଫେରନ୍ତା, ଟିଟିଲାଗଡ଼ିଆ ଝୁମ୍ପୁଡିପଡ଼ାର ୨ଜଣ, ଜିଲା ମୁଖ୍ୟ ଡାକ୍ତରଖାନାର ଜଣେ ଡାକ୍ତର ଏବଂ ପଞ୍ଚାୟତ କଲେଜ ରୋଡ୍ର ଅନ୍ୟଜଣେ ରହିଛନ୍ତି। ସେହିପରି ସୋହେଲା ପେଟୁପାଲି ଗ୍ରାମର ଆକ୍ରାନ୍ତ ଜଣକ ତ୍ରିପୁରା ଏବଂ ଅତାବିରା ଅଞ୍ଚଳର ଆମଝର(ଟାଙ୍ଗରପାଲି)ର ଆକ୍ରାନ୍ତ ଜଣକ ମହାରାଷ୍ଟ୍ର ଫେରନ୍ତା ହୋଇଥିବା ବେଳେ କଟାପାଲିର ଆକ୍ରାନ୍ତମାନେ ସଙ୍ଗରୋଧ ଅଞ୍ଚଳର ବୋଲି ଜିଲାପାଳ ଜ୍ୟୋତିରଞ୍ଜନ ପ୍ରଧାନ ସୂଚନା ଦେଇଛନ୍ତି। ଅନ୍ୟପକ୍ଷରେ କରୋନା ପ୍ରତିହତ ପାଇଁ ମାସ୍କ ପିନ୍ଧିବା ସହିତ ସାମାଜିକ ଦୂରତ୍ୱ ଅବଲମ୍ବନ କରିବାକୁ ଜିଲାପାଳ ପରାମର୍ଶ ଦେଇଥିବା ବେଳେ ସଂକ୍ରମିତ ଅଞ୍ଚଳକୁ କଣ୍ଟେନ୍ମେଣ୍ଟ୍ ଜୋନ୍ ଘୋଷଣା କରାଯାଇଛି।