ମୁମ୍ବାଇ: ବଲିଉଡ ଅଭିନେତା ଅକ୍ଷୟ କୁମାର ଓ ତାଙ୍କ ପତ୍ନୀ ଟ୍ୱିଙ୍କଲ ଖାନ୍ନା ସୋସିଆଲ ମଡିଆରେ ଖୁବ୍ ଆକ୍ଟିଭ । ସମୟ ସମୟରେ ତାଙ୍କର କିଛି ଫଟୋ ଓ ଭିଡିଓ ପ୍ରଶଂସକଙ୍କ ଉଦ୍ଦେଶ୍ୟରେ ଶେୟାର କରି ଉଭୟ ଦର୍ଶକଙ୍କ ହୃଦୟରେ ରହିବାକୁ ଚାହାନ୍ତି । ହେଲେ ବେଳେ ବେଳେ ଏମାନେ ଟ୍ରୋଲର ବି ଶିକାର ହୋଇଥାଆନ୍ତି । ନିକଟରେ ଅକ୍ଷୟ ପାନ ମସଲାର ବିଜ୍ଞାପନ ଦେଇ ଆସିଥିଲେ ଚର୍ଚ୍ଚାକୁ । ଏମିତିକି ଶେଷରେ ସେ କ୍ଷମା ବି ମାଗିଥିଲେ । ଏକଥା ମନରୁ ପାସୋରି ନ ହେଉଛି ଏବେ ଟ୍ରୋଲ ହୋଇଛନ୍ତି ତାଙ୍କ ପତ୍ନୀ ତଥା ବଲିଉଡର ପୁରୁଣା ଦିନର ନାୟିକା ଟ୍ୱିଙ୍କଲ ଖାନ୍ନା । ନିକଟରେ ସେ ସୋସିଆଲ ମିଡିଆରେ ତାଙ୍କର ଏକ ପୁରୁଣା ଫଟୋ ଶେୟାର କରି ଟ୍ରୋଲ ହୋଇଛନ୍ତି । ପ୍ରଥମେ ୨୦୧୭ରେ ସେ ଏଥିପାଇଁ ଟ୍ରୋଲର ଶିକାର ହୋଇଥିଲେ ବି ଏବେ ପୁଣିଥରେ ଏହାକୁ ଶେୟାର କରିଛନ୍ତି । ୨୦୧୭ରେ ସେ ଏହି ଫଟୋଶୁଟ କ୍ୟାଲେଣ୍ଡର ପାଇଁ କରିଥିବା ଜଣାପଡିଛି । ଫଟୋଟିରେ ଟ୍ୱିଙ୍କଲ ଏକ ବହି ଗଦା ଉପରେ ବସିଛନ୍ତି । ଏମିତିକି କିଛି ବହି ଉପରେ ସେ ତାଙ୍କ ପାଦ ରଖିଛନ୍ତି । ଏହାକୁ ଦେଖିବା ପରେ ମେଜର ସୁରେନ୍ଦ୍ର ପୁନିଆ ଏହି ଟୁଇଟକୁ ନିଜ ଟୁଇଟରରେ ଶେୟାର କରି ଲେଖିଛନ୍ତି, ପିଲାମାନେ ପଚାରୁଛନ୍ତି ଏ ଦେବୀ ସରସ୍ୱତୀ ମାଆଙ୍କ ଉପରେ କାହିିଁକି ବସିଛନ୍ତି । ଏହାର ଉତ୍ତରରେ ଭିନ୍ନ ଭିନ୍ନ କମେଣ୍ଟ ଦେଖିବାକୁ ମିଳିଛି । କେହି ଜଣେ ୟୁଜର୍ସ ଲେଖିଛନ୍ତି ମସ୍ତିସ୍କ ତଳକୁ ଚାଲିଯାଇଛି । ଆଉ ଜଣେ ଲେଖିଛନ୍ତି, ସେ ଦେବୀ ନୁହେଁ ରାକ୍ଷସୀ । ଅନ୍ୟ ଜଣେ ଲେଖିଛନ୍ତି ତାଙ୍କ ସ୍ୱାମୀ ମୋଦିଙ୍କ ଭକ୍ତ ଆଉ ଏ ହେଉଛନ୍ତି ତାଙ୍କ ପତ୍ନୀ ।
ସୂଚନାଯାଗ୍ୟ, ଏକ ମାଗାଜିନ ପାଇଁ ଟ୍ୱିଙ୍କଲ ଏହି ଫଟୋଶୁଟ ୨୦୧୭ ମସିହାରେ କରିଥିଲେ । ସେତେବେଳ ସେ ଏହାକୁ ସୋସିଆଲ ମିଡିଆରେ ଶେୟାର କରିବା ସହ ଏକ ଲମ୍ବା ଚଉଡା ନୋଟ ବି ଶେୟାର କରିଥିଲେ । ସେତେବେଳେ ବି ସେ ଏହାକୁ ନେଇ ଟ୍ରୋଲ ହୋଇଥିଲେ ।
बच्चे पूछ रहे हैं कि यह देवी माँ सरस्वती पर क्यों सवार हैं 😎 pic.twitter.com/fXiCbJto41
— Major Surendra Poonia (@MajorPoonia) April 24, 2022
