କାନପୁର, ୧୩।୭: ବିବାହ ପରେ କନ୍ୟା ବାପଘରୁ ବିଦା ହୋଇ ବର ଘରକୁ ଆସିଥାନ୍ତି। ତେବେ ଉତ୍ତରପ୍ରଦେଶରେ ଏହାର ଓଲଟା ଘଟଣା ଦେଖିବାକୁ ମିଳିଛି। ପରସ୍ପରକୁ ଭଲ ପାଉଥିବା ଦୁଇପ୍ରେମୀଙ୍କ ମଧ୍ୟରେ ବାଧା ଦେଇଥିଲେ ଦୁଇପକ୍ଷ ପରିବାର। ସରଜନା-ବରଦହା ଗାଁର ଉପାସନା ଏବଂ ବଡ଼ାଗାଓ୍ବଁ ବାସିନ୍ଦା ସନ୍ଦୀପ୍ଙ୍କ ମଧ୍ୟରେ ଦୀର୍ଘଦିନର ପ୍ରେମ ସମ୍ପର୍କ ଥିଲା। କିନ୍ତୁ ଏହାକୁ ଦୁଇପରିବାର ବିରୋଧ କରୁଥିଲେ। ଶେଷରେ ଉପାସନାଙ୍କ ପରିବାର ପକ୍ଷରୁ ହମିରପୁର ଥାନାରେ ସନ୍ଦୀପ୍ଙ୍କ ବିରୋଧରେ ମାମଲା ଦାଏର କରିଥିଲେ। ଆଇନ ଭୟରେ ସନ୍ଦୀପ୍ଙ୍କ ପରିବାର ଚାଲାକି କରି ସେମାନଙ୍କ କରିବାକୁ ରାଜି ହୋଇଥିଲେ। ସ୍ଥାନୀୟ ଚୌରା ଦେବୀ ମନ୍ଦିରରେ ଉଭୟପକ୍ଷଙ୍କ ଉପସ୍ଥିତିରେ ବିବାହ ହୋଇଥିଲା। କିନ୍ତୁ ସନ୍ଦୀପ୍ଙ୍କ ପରିବାର ପକ୍ଷରୁ ଉପାସନାଙ୍କୁ ଘରକୁ ବୋହୂ କରି ନେବାକୁ ମନା କରାଯାଇଥିଲା। ତେଣୁ ଉପାସନା ବାଧ୍ୟ ହୋଇ ବାପଘରକୁ ଫେରିଥିଲେ। ତେବେ ସନ୍ଦୀପ୍ ଆଉ ନିଜ ଘରକୁ ନ ଫେରି ଉପାସନାଙ୍କ ସହିତ ତାଙ୍କ ଘରକୁ ରହିବାକୁ ଯାଇଛନ୍ତି। ଘରଲୋକେ ଉପାସନାଙ୍କୁ ସମ୍ମାନର ସହିତ ନ ନେଲେ ସେ ଆଉ ଫେରିବେ ନାହିଁ ବୋଲି ଜିଦ୍ ଧରିଛନ୍ତି। ଏବେ ଏହି ଘଟଣା ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।