କାଲିଫର୍ନିଆ,୨୫।୭: କର୍ପୋରେଟ କମ୍ପାନୀଗୁଡିକ ସେମାନଙ୍କର ଲୋକପ୍ରିୟ ବ୍ରାଣ୍ଡର ନାମ ପରିବର୍ତ୍ତନ କରିବା ବିରଳ ଅଟେ। ରାତାରାତି ଏପରି ନିଷ୍ପତ୍ତି ନିଆଯିବା ମଧ୍ୟ କମ୍ ଅଟେ। ଯଦିଓ ଦୁନିଆର ସବୁଠାରୁ ଧନୀ ବ୍ୟକ୍ତିଙ୍କ ମଧ୍ୟରୁ ଏଲନ ମସ୍କଙ୍କ ନିଷ୍ପତ୍ତି ଏହି ପ୍ରସଙ୍ଗରେ ଟିକେ ଚକିତ କରିଛି। ରବିବାର ମସ୍କ ହଠାତ୍ ମାଇକ୍ରୋ ବ୍ଲଗିଂ ସାଇଟ ଟୁଇଟର ନାମ ପରିବର୍ତ୍ତନ କରିବାକୁ ଘୋଷଣା କରିଛନ୍ତି। ମସ୍କ ଘୋଷଣା କରିଛନ୍ତି ଯେ, ଯେ ଟୁଇଟର ନୂଆ ନାମ ବର୍ତ୍ତମାନ ‘X’ ହେବ। ସେ ଟୁଇଟରର ପ୍ରସିଦ୍ଧ ପକ୍ଷୀ ଲୋଗୋ ଏବଂ ଟୁଇଟ ଭଳି ଶବ୍ଦର ପରିବର୍ତ୍ତନ ବିଷୟରେ ମଧ୍ୟ ଘୋଷଣା କରିଛନ୍ତି। ବିଶେଷଜ୍ଞ ଏବଂ ବଜାର ବିଶେଷଜ୍ଞଙ୍କ ଅନୁଯାୟୀ, ମସ୍କର ଏହି ଆଶ୍ଚର୍ଯ୍ୟଜନକ ନିଷ୍ପତ୍ତି ଟୁଇଟର ବ୍ରାଣ୍ଡ ଭେଲ୍ୟୁରେ ୪ ବିଲିୟନରୁ ୨୦ ବିଲିୟନ ଡଲାରର କ୍ଷତି ସହିପାରେ।