କେନ୍ଦୁଝର, ୧୧। ୨(ସ୍ବ.ପ୍ର.): ପଣ୍ଡାପଡା ଥାନା ଅନ୍ତର୍ଗତ ରୁଟିଶିଳା କ୍ରସର ନିକଟରେ ଶୁକ୍ରବାର ଦୁଇ ବାଇକ୍ ମୁହାଁମୁହିଁ ଧକ୍କା ହୋଇଛି। ଫଳରେ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ଅଛନ୍ତି। ମୃତକ ଯୁବକ ହେଉଛନ୍ତି ଏହି ଥାନା ଅନ୍ତର୍ଗତ ବିନିଦା ଗ୍ରାମର ସୁଦାମ ସିଂହ ବୋଲି ଜଣାପଡ଼ିଛି। ଅନ୍ୟ ଜଣେ ହେଉଛନ୍ତି ଟାଉନ ଥାନା ଅଂଚଳର ଲକ୍ଷ୍ମଣ ମାଝୀ । ତେବେ ଆହତଙ୍କ ପରିଚୟ ମିଳିପାରିନାହିଁ। ମୃତଦେହ ଓ ଆହତଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ପଠାଯାଇଛ। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କରିଥିବା ଜଣାପଡିଛି।