ବାଉଁଶୁଣୀ,୩ା୩: ବୌଦ୍ଧ ଜିଲା ବାଉଁଶୁଣୀ ଥାନା ଅନ୍ତର୍ଗତ ମଲ୍ଲିକପଡ଼ା ଗ୍ରାମରେ ପାରିବାରିକ ଶତ୍ରୁତା ଯୋଗୁ ସାନଭାଇ କନଷ୍ଟେବଳଙ୍କୁ ନିଆଁରେ ପୋଡି ହତ୍ୟା କରିବା ଘଟଣାରେ ପୋଲିସ ଅଭିଯୁକ୍ତ ୨ ବଡଭାଇଙ୍କୁ ବୁଧବାର ଗିରଫ କରିଛି ା ସୂଚନା ଯୋଗ୍ୟ, ଗତ ରବିବାର ବୌଦ୍ଧ ପୋଲିସରେ କନଷ୍ଟେବଳ ଥିବା ସନ୍ତୋଷ କୁମାର ଜାନୀଙ୍କୁ ତାଙ୍କର ଦୁଇଭାଇ ପାରିବାରିକ ଗଣ୍ଡଗୋଳରୁ କାଠଫାଳିଆରେ ମାଡ଼ ମାରିଥିଲେ। ପରେ ତାଙ୍କୁ ଜୀୟନ୍ତା ଜାଳିଦେଇ ହତ୍ୟା କରିଥିଲେ। ଘଟଣା ପରେ ସେମାନେ ଫେରାର ହୋଇଯାଇଥିଲେ। ବାଉଁଶୁଣୀ ପୋଲିସ ସେମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ କରିବା ସହ ତଦନ୍ତ ଆରମ୍ଭ କରିଥିଲା। ଘଟଣାର ୩ ଦିନ ପରେ ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇ ଅଭିଯୁକ୍ତ ଭାଇ ପ୍ରଶାନ୍ତ ଜାନୀଙ୍କୁ ବୁଧବାର ସକାଳେ ବ୍ରାହ୍ମଣପାଲି ଗ୍ରାମ ପଞ୍ଚାୟତର ରେଙ୍ଗାଲି ରାସ୍ତାରୁ ଗିରଫ କରିଥିଲା ା ସନ୍ଧ୍ୟାରେ ଅନ୍ୟ ଜଣେ ଅଭିଯୁକ୍ତ ବଡଭାଇ ସାର୍ତ୍ତିକ ଜାନୀଙ୍କୁ ସ୍ଥାନୀୟ ବିଜାପଦର ମାଳିସାହିରୁ ଗିରଫ କରିଛି ା ପ୍ରଶାନ୍ତଙ୍କୁ କୋର୍ଟ ଚାଲାଣ କରାଯାଇଥିବା ବାଉଁଶୁଣୀ ଥାନା ଅଧିକାରୀ ସୁବାଷ ଚନ୍ଦ୍ର ରାୟଗୁରୁ କହିଛନ୍ତି।
