ସୁନ୍ଦରଗଡ,୧୨।୧(ଡି.ଏନ୍.ଏ.): ସୁନ୍ଦରଗଡ ଜିଲା ଭଷ୍ମା ଥାନା ପୋଲିସ ୨ଜଣ ଗଞ୍ଜେଇ ଚୋରା ଚାଲାଣକାରୀଙ୍କୁ ଗିରଫ କରିଛି। ସେମାନଙ୍କଠାରୁ ୨କେଜି ଗଞ୍ଜେଇ ଏବଂ ଗୋଟିଏ ବାଇକକୁ ଜବତ କରାଯାଇଛି। ଗିରଫ ଅଭିଯୁକ୍ତମାନେ ଛତିଶଗଡ଼ ରାଜ୍ୟ ଯଶପୁର ଜିଲା ଫରସାବାହାଲ ଥାନା ପଣ୍ଡରିପାନି ଗ୍ରାମର ସମୀର ତିର୍କୀ(୨୨)ଓ ବିଜୟ ନାଏକ(୨୫)। ସେମାନେ ଝାରସୁଗୁଡା ପଟୁ ସୁନ୍ଦରଗଡକୁ ବାଇକ ଯୋଗେ ଆସୁଥିବା ସୂଚନା ପାଇ ଏସ୍ପି ସାଗରିକା ନାଥଙ୍କ ନିର୍ଦ୍ଦେଶ କ୍ରମେ ଭଷ୍ମା ଥାନା ପୋଲିସ ଯାଞ୍ଚ କରି ଏହି ଗଞେଇ ଜବତ କରିଥିଲା। ଗିରଫ ପରେ ଅଭିଯୁକ୍ତଙ୍କୁ ସୁନ୍ଦରଗଡ କୋର୍ଟକୁ ଚାଲାଣ କରାଯାଇଥିବା ସୂଚନା ମିଳିଛି।