ମାଲକାନଗିରି୧୦।୫(ଡି.ଏନ୍.ଏ): ମାଲକାନଗିରି ସଦର ଥାନା ତଣ୍ଡାପାଲ୍ଲୀ ଗ୍ରାମରେ ଏକ ଅଭାବନୀୟ ଘଟଣା ଘଟିଛିା ତଣ୍ଡାପାଲ୍ଲୀ ଗ୍ରାମରେ ଥିବା ପୋଖରୀରେ ଦୁଇ ନାବାଳିକା ଶିଶୁ ଗାଧୋଇବାକୁ ଯାଇ ପୋଖରୀରେ ବୁଡି ମୃତ୍ୟୁ ହୋଇଛି। ସୂଚନା ମୁତାବକ, ତଣ୍ଡାପାଲ୍ଲୀ ଗ୍ରାମର ଜଗା ପଡିଆମିଙ୍କର ଝିଅ ବିନ୍ଦୁ ପଡିଆମି(୫) ଓ ପଦିଆ ମାଡକାମିଙ୍କର ପୁଅ ସେନା ମାଡକାମି (୫) ଦୁହେଁ ଗାଧୋଇବାକୁ ଗାଁ ପୋଖରୀକୁ ଯାଇଥିଲୋ ଗାଧୋଇବାକୁ ଯାଇ ବହୁ ସମୟ ହୋଇଥିଲେ ସୁଦ୍ଧା ଘରକୁ ଫେରି ନ ଥିବାରୁ ପରିବାର ଲୋକେ ପୋଖରୀ ଭିତରେ ବହୁ ଖୋଜାଖୋଜି କରିଥିଲେ। ପରେ ପାଣିରୁ ଦୁଇଜଣଙ୍କ ମୃତଦେହକୁ ପାଇଥିଲୋ ଏ ନେଇ ମାଲକାନଗିରି ଥାନା ପୋଲିସ ଘଟଣାସ୍ଥଳରେ ପହଞ୍ଚିି ମୃତଦେହକୁ ବ୍ୟବଚ୍ଛେଦ ନିମନ୍ତେ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ। ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ମୃତଦେହ ହସ୍ତାନ୍ତର କରିଛନ୍ତିା ଏଥିସହ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିଛି।
