ରାଜକନିକା, ୧୨ା୩ (ଡି.ଏନ.ଏ.): କେନ୍ଦ୍ରାପଡ଼ା ଜିଲା ରାଜକନିକା ଥାନା ଅନ୍ତର୍ଗତ ଡଙ୍କାରୀ ଗାଁର ଏକ ପୋଖରୀରେ ବୁଡି ଦୁଇ ଶିଶୁଙ୍କ ଶୁକ୍ରବାର ମୃତ୍ୟୁ ହୋଇଛି। ଏନେଇ ଥାନା ପକ୍ଷରୁ ଅପମୃତ୍ୟୁ ମାମଲା ରୁଜୁ ସହ ଘଟଣାର ତଦନ୍ତ ଆରମ୍ଭ ହୋଇଛି। ପୂର୍ବାହ୍ନ ୧୧ଟାରେ ଗଞ୍ଜା ଗାଁର ବିନୋଦ ପାତ୍ରଙ୍କ ପୁଅ ପ୍ରବୀର (୫) ମାମୁ ଘର ଡଙ୍ଗାରୀ ଗାଁ ପ୍ରଭାତ ସାମଲଙ୍କ ଘରକୁ ଆସିଥିଲେ। ପ୍ରଭାତଙ୍କ ଝିଅ ପ୍ରଜ୍ଞାରାଣୀ ସାଙ୍ଗରେ ପ୍ରବୀର ବାଡିରେ ଖେଳୁଥିଲେ। ପ୍ରାୟ ଘଣ୍ଟାଏ ପରେ ଦୁହେଁ ଘରକୁ ନ ଫେରିବାରୁ ପ୍ରଭାତ ଓ ବିନୋଦଙ୍କ ସ୍ତ୍ରୀ ପୁଷ୍ପାଞ୍ଜଳି ଖୋଜାଖୋଜି କରିଥିଲେ। ପୋଖରୀ ଉପରେ ସନ୍ଦେହ ହେବାରୁ ସ୍ଥାନୀୟ ଗ୍ରାମବାସୀ ଖୋଜାଖୋଜି କରି ଦୁହିଁଙ୍କୁ ଉଦ୍ଧାର କରିଥିଲେ। ଉଭୟଙ୍କୁ ରାଜକନିକା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଅଣାଯାଇଥିବା ବେଳେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି।