ଲୌକେଷ୍ଟର,୩ ।୨: ବ୍ରାଜିଲରେ ନିକଟରେ ୨ ଫୁଟ ଲମ୍ବା ଓ ୧୬ ପାଉଣ୍ଡ ଅର୍ଥାତ୍ ୭.୩ କିଲୋଗ୍ରାମର ଏକ ଶିଶୁ ଜନ୍ମ ନେଇଛି । ଶରିର ବୃଦ୍ଧି ଯୋଗୁ ହସ୍ପିଟାଲରେ ଶିଶୁ ‘ଏଂଗରସନ ସାଂଟୋସ’ଙ୍କ ଜନ୍ମ ସିଜରିଆନ ସେକ୍ସନ ମାଧ୍ୟମରେ କରାଯାଇଛି । ଏହି ପ୍ରକାର ଶିଶୁଙ୍କୁ ଚିକିତ୍ସା ବିଜ୍ଞାନରେ ‘ମୌକ୍ରୋସୋମିୟା’ କୁହାଯାଇଥାଏ । ଏମିତି ଆକାର ବୃଦ୍ଧି ପଛରେ ବହୁ କାରଣ ଥିବା ବେଳେ ଏହାର କୁପ୍ରଭାବ ମାଆ ଉପରେ ବି ପଡିଥାଏ ।
ଏ ସମ୍ପର୍କରେ ଲୌଂକେଷ୍ଟର ବିବିରେ ପ୍ରଫେସର ଓ କ୍ଲିନିକାଲ ଆନାଟୋମି ଲର୍ନିଙ୍ଗ ସେଣ୍ଟରର ନିର୍ଦ୍ଦେଶକ ଡା. ଏଡମ ଟେଲର କହିଛନ୍ତି, ମୌକ୍ରୋସୋମିୟା ଗ୍ରୀକ୍ ଶବ୍ଦ । ଏହାର ଅର୍ଥ ହେଉଛି ବିଶାଳ ଶରୀର । ସାଧାରଣତଃ ବାଳକ ଶିଶୁ ୭ ପାଉଣ୍ଡ ୬ ଆଉଂସ ଅର୍ଥାତ୍ ୩.୩ କିଲୋଗ୍ରାମ ଓ ବାଳିକା ଶିଶୁ ୭ ପାଉଣ୍ଡ ୨ ଆଉଂସ ଅର୍ଥାତ୍ ୩.୨ କିଲୋ ଓଜନର ହୋଇଥାଆନ୍ତି । ସମସ୍ତ ୪ କିଲୋଗ୍ରାମରୁ ଅଧିକ ଓଜନର ଜନ୍ମିତ ଶିଶୁଙ୍କୁ ମୌକ୍ରୋସୋମିୟା କୁହାଯାଇଥାଏ । ବିଶ୍ୱରେ ଜନ୍ମିତ ୧୨ ପ୍ରତିଶତ ଶିଶୁ ମୌକ୍ରୋସୋମିୟା ହୋଇଥାଆନ୍ତି । ବାଳକ ଶିଶୁ ଏମିତି ହେବା ସମ୍ଭାବନା ଅଧିକ ଥାଏ ।