ପୁରୀ ଅଫିସ,୧୯।୧୧: ପୋଖରୀରେ ଭାସୁଥିବା ଡଙ୍ଗାକୁ ଆଣିବାକୁ ଯାଇ ୨ ନାବାଳକଙ୍କ ମୃତ୍ୟୁ ଘଟିଛି। ଏପରି ହୃଦୟବିଦାରକ ଘଟଣା ପୁରୀ ଜିଲା ନିମାପଡ଼ା ଥାନା ଅଞ୍ଚଳରେ ଘଟିଛି। ଶୁକ୍ରବାର କାର୍ତ୍ତିକ ପୂର୍ଣ୍ଣିମା ଲାଗି ଆଳିପିଙ୍ଗଳ ଗାଁ ଉତ୍ସବ ମୁଖର ହୋଇଥିଲା। ଡଙ୍ଗା ଭସା ସରିବା ପରେ ସଙ୍କୀର୍ତ୍ତନମଣ୍ଡଳୀ ଗାଁ ପରିକ୍ରମା କରିଥିଲେ। ସଙ୍କୀର୍ତ୍ତନମଣ୍ଡଳୀ ସହିତ ଶକ୍ତି ସାହୁ (୭) ଓ ସାଇରାମ ବାରିକ (୧୦) ବୁଲୁଥିଲେ। ପରେ ଭାସୁଥିବା ଡଙ୍ଗା ଦେଖି ସେମାନେ ଆଣିବାକୁ ଯାଉଥିଲେ। ଅସାବଧାନତା ଯୋଗୁ ସେମାନଙ୍କ ପାଦ ଖସି ଯାଇଥିଲା। ପାଦ ଖସି ଯିବାରୁ ଶକ୍ତି ଓ ସାଇରାମ ପୋଖରୀରେ ବୁଡ଼ି ଯାଇଥିଲେ। ସଙ୍ଗେ ସଙ୍ଗେ ସେମାନଙ୍କୁ ଉଦ୍ଧାର କରାଯାଇ ନିମାପଡ଼ା ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଛନ୍ତି।