ଖଇରା,୭ା୮(ଉତ୍କଳବନ୍ଧୁ ପଣ୍ଡା): ଅଣିଜସ୍ଥିତ ସିନ୍ଧୁକେଶ୍ବର ଶିବ ମନ୍ଦିରରେ ପାଣି ଢାଳିବାକୁ ସାଳନ୍ଦୀରେ ଗାଧୋଇବାକୁ ଯାଇ ସୋମବାର ୨ କାଉଡ଼ିଆ ନିଖୋଜ ହୋଇ ଯାଇଛନ୍ତି। ନିଖୋଜ ଦ୍ବୟ ହେଲେ ଖଇରା ବ୍ଲକ ସାନଜୟୀପୁର ଗ୍ରାମର ରାଜେନ୍ଦ୍ର ସାହୁ (୨୨) ଓ କାଠିଆ ମହାକୁଡ଼(୨୧)। ଆଜି ସକାଳେ ଅନ୍ୟ ସାଙ୍ଗମାନଙ୍କ ସହ ଜଳାଭିଷେକ ପାଇଁ ବରଦା ନିକଟରେ ସାଳନ୍ଦୀକୁ ଗାଧୋଇବାକୁ ଯାଇଥିଲେ। ୩ ଜଣ ଭାସି ଯାଇଥିବା ବେଳେ ଜଣକୁ ଓଡ୍ରାଫ ଟିମ୍ ଉଦ୍ଧାର କରିଥିବା ବେଳେ ଉପରୋକ୍ତ ଯୁବକଙ୍କ ପତ୍ତା ମିଳୁନାହିଁ।