ପାଟଣା,୧୯ା୮(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା କପୁଣ୍ଡି ପଞ୍ଚାୟତର ଦୁଇଜଣ ବ୍ୟକ୍ତିଙ୍କର ମଙ୍ଗଳବାର ଆଣ୍ଟିଜେନ୍ ଟେଷ୍ଟ ପରେ ପଜିଟିଭ୍ ବାହାରିବା ପରେ ଉଭୟଙ୍କୁ କେନ୍ଦୁଝର କୋଭିଡ୍ ହସ୍ପିଟାଲ ସ୍ଥାନାନ୍ତର କରାଯାଇଛି।
ସୂଚନା ଅନୁଯାୟୀ, ଜଣଙ୍କର ବୟସ ୧୮ ହୋଇଥିବା ବେଳେ ଆଉ ଜଣଙ୍କର ବୟସ ୩୨। ଜଣେ ଯୋଡ଼ାରେ ରହି ଏକ କମ୍ପାନୀରେ କାମ କରି ଘରକୁ ଫେରିଥିବା ବେଳେ ଅନ୍ୟ ଜଣଙ୍କ ଚମ୍ପୁଆସ୍ଥିତ ନିଜ ଶ୍ୱଶୁର ଘରକୁ ଯାଇ ଗାଁକୁ ଫେରିଥିଲେ।
ଅନ୍ୟପକ୍ଷରେ କପୁଣ୍ଡି ଗ୍ରାମରେ କ୍ୟାମ୍ପ୍ କରାଯାଇ ୪୧ ଜଣଙ୍କ ସ୍ବାବ୍ ପରୀକ୍ଷା କରାଯାଇଛି। ସେମାନଙ୍କ ମଧ୍ୟରୁ ଏହି ୨ ଜଣଙ୍କର ପଜିଟିଭ୍ ଚିହ୍ନଟ ହୋଇଛି। ଏହାପରେ ସରପଞ୍ଚ ବିଜୟ ପାଇଦା ପଞ୍ଚାୟତକୁ ୪୮ ଘଣ୍ଟା ପାଇଁ ଶଟ୍ଡାଉନ୍ ଘୋଷଣା କରିଛନ୍ତି।