ମାଲକାନଗିରି,୨୦ା୮(ଡି.ଏନ୍.ଏ.): ମାଲକାନଗିରି ଜିଲା ସୀମାନ୍ତ ଛତିଶଗଡ଼ ବସ୍ତର ଜିଲାରେ ଶୁକ୍ରବାର ପୋଲିସ-ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ୨ଜଣ ଯବାନ ଶହୀଦ ହୋଇଛନ୍ତି। ସେମାନେ ହେଲେ ଏସ୍ଏସ୍ଆଇ ସୁଧାକର ସିନ୍ଧେ ଓ ପ୍ଲାଟୁନ କମାଣ୍ଡର ଗୁରୁମୁଖ୍ ସିଂ। ବସ୍ତର ଜିଲା କଡେନାଡ ଥାନା ଅଧୀନ କରିଆମେଟା ଜଙ୍ଗଲରେ ଆର୍ଟିବିପିର ଯବାନମାନେ କୋମ୍ବିଂ ଅପରେଶନ କରୁଥିଲେ। ପାହାଡ଼ ଉପରୁ ମାବାଦୀମାନେ ଦେଖି ପ୍ରଥମେ ଗୁଳିଚାଳନା କରିଥିଲେ। ଆର୍ଟିବିପି ଯବାନ ଏହାର ଯବାବ ଦେଇଥିଲେ। ଉଭୟ ପକ୍ଷଙ୍କ ମଧ୍ୟରେ ଗୁଳି ବିନିମୟ ବେଳେ ଏସ୍ଏସ୍ଆଇ ସିନ୍ଧେ ଓ ପ୍ଲାଟୁନ କମାଣ୍ଡର ସିଂଙ୍କ ମୃତ୍ୟୁ ହୋଇଥିଲା। ସମ୍ପୃକ୍ତ ଅଞ୍ଚଳକୁ ଅଧିକ ଯବାନଙ୍କୁ ପଠାଯାଇ କୋମ୍ବିଂ ଅପରେଶନ ଜୋର୍ଦାର କରାଯାଇଛି। ଏପରି କି ଘଟଣାରେ କେତେଜଣେ ମାଓବାଦୀ ମୃତାହତ ହୋଇଛନ୍ତି ସେ ନେଇ ଠିକ୍ ତଥ୍ୟ ମିଳିପାରିନାହିଁ ବୋଲି ବସ୍ତର ଡିଆଇଜି ସୁନ୍ଦରରାଜ ପି. କହିଛନ୍ତି।