କଟକ ଅଫିସ,୨୬।୭: ଓଡ଼ିଶା ପୋଲିସର ଆଉ ଦୁଇଜଣ କର୍ମଚାରୀ ଶନିବାର ପ୍ଲାଜ୍ମା ଦାନ କରିଛନ୍ତି। ସେମାନେ ହେଲେ ଓଏସ୍ଏପି ତୃତୀୟ ବାଟାଲିଅନର ସିପାହି ତରୁଣ କୁମାର ଦାସ ଏବଂ ଓଏସ୍ଏପି ପ୍ରଥମ ଆଇଆର୍ ବାଟାଲିଅନର କନଷ୍ଟେବଳ ଟୁକୁନା ପ୍ରଧାନ। ଉଭୟ କଟକ ଏସ୍ସିବି ମେଡିକାଲ୍ର ପ୍ଲାଜ୍ମା ବ୍ୟାଙ୍କ୍ରେ ପ୍ଲାଜ୍ମା ଦାନ କରିଛନ୍ତି। ରାଜ୍ୟ ପୋଲିସ ମହାନିର୍ଦ୍ଦେଶକ ଅଭୟ ଉଭୟଙ୍କୁ ପ୍ରଶଂସା କରିଛନ୍ତି। ଉଲ୍ଲେଖଯୋଗ୍ୟ ଯେ, ଶୁକ୍ରବାର ମଧ୍ୟ ଦୁଇଜଣ ପୋଲିସ କର୍ମଚାରୀ ପ୍ଲାଜ୍ମା ଦାନ କରିଥିଲେ।