ଡେରାଡୁନ, ୨୫।୮: ଡେରାଡୁନରେ ଏକ ଅଜବ ଘଟଣା ଦେଖିବାକୁ ମିଳିଛି। ଏଠାରେ ଜଣେ ମହିଳା ଗୋଟିଏ ପ୍ରାଇଭେଟ୍ ଲ୍ୟାବରେ ତାଙ୍କ କରୋନା ଟେଷ୍ଟ କରାଇଥିଲେ। ଯାହାର ରିପୋର୍ଟ ମଙ୍ଗଳବାର ଆସିଛି। ତେବେ ଆଶ୍ଚର୍ଯ୍ୟଜନକ ଭାବେ ମହିଳାଙ୍କର ୨ଟି ରିପୋର୍ଟ ଆସିଛି। ଗୋଟିଏରେ ରିପୋର୍ଟ ନେଗେଟିଭ ଆସିଥିବାବେଳେ ଅନ୍ୟଟିରେ ପଜିଟିଭ। ଯାହାକୁ ନେଇ ମହିଳାଜଣଙ୍କ ଦ୍ୱନ୍ଦ୍ୱରେ ପଡ଼ିଯାଇଛନ୍ତି। ଶେଷରେ ନେଗେଟିଭ ରିପୋର୍ଟ ଆଧାରରେ ମହିଳାଜଣଙ୍କ ବିଦେଶ ଯାତ୍ରା କରିଛନ୍ତି। ମହିଳାଜଣଙ୍କ ବିଦେଶ ଯାତ୍ରା କରିସାରିଥିଲେ ମଧ୍ୟ ସେ କରୋନା ଆକ୍ରାନ୍ତ କି ନୁହେଁ ତାହା ସ୍ପଷ୍ଟ ହୋଇପାରି ନାହିଁ। ଏହି ମାମଲା ଏବେ ଯାଇ ସ୍ବାସ୍ଥ୍ୟ ସଚିବଙ୍କ ନିକଟରେ ପହଞ୍ଚିଛି। ଘଟଣାରୁ ଜଣାପଡ଼ିଛି ଯେ, ଧର୍ମପୁରର ଏହି ମହିଳାଜଣଙ୍କ ବିଦେଶ ଗସ୍ତ କରିବାର ଥିଲା। ତେଣୁ ସେ ଏକ ଘରୋଇ ଲ୍ୟାବ୍ରେ ସେ କରୋନା ଟେଷ୍ଟ କରାଇଥିଲେ। ଯାହାର ୨ଟି ରିପୋର୍ଟ ଆସିଥିଲା। ଗୋଟିଏରେ ପଜିଟିଭ ଓ ଅନ୍ୟଟିରେ ନେଗେଟିଭ ରହିଥିଲା।
