ପାଟନା,୭।୧୧: ସୁପ୍ରିମକୋର୍ଟ ସମଲିଙ୍ଗୀ ବିବାହକୁ ଭୁଲ ବୋଲି ବିବେଚନା କରିବା ସହ ଏହାକୁ ଆଇନ ମାନ୍ୟତା ଦେବାକୁ ମନା କରିଦେଇଥିଲେ। କିନ୍ତୁ ସମାଜରେ ଏପରି କିଛି ଲୋକ ଅଛନ୍ତି, ଯେଉଁମାନେ ସମଲିଙ୍ଗୀ ବିବାହ କରୁଛନ୍ତି। ବିହାରର ରାଜଧାନୀ ପାଟନାରେ ଏଭଳି ଏକ ଘଟଣା ଦେଖିବାକୁ ମିଳିଥିଲା ଏଠାରେ ଦୁଇ ସମ୍ପର୍କୀୟ ଭଉଣୀ ବିବାହ କରି ଏକାଠି ରହୁଛନ୍ତି। ଏହି ଦୁଇ ଭଉଣୀ ହେଲେ ରୋଶନି ଖାତୁନ (୨୧) ଏବଂ ତାରାନା ଖାତୁନ। ଉଭୟ ସିୱାନ ଜିଲାର ଏଚ୍ଏଚ୍ ନଗରର ବାସିନ୍ଦା। ଉଭୟ ପାଟନାରେ ସ୍ବାମୀ ଏବଂ ସ୍ତ୍ରୀ ପରି ଜୀବନଯାପନ କରନ୍ତି। ଉଭୟ କହିଛନ୍ତି, ଆମେ ବିବାହ କରି ସାରା ଜୀବନ ଏକାଠି ବଞ୍ଚିବାକୁ ଚାହୁଁଛୁ।
ପରିବାର ସଦସ୍ୟ କହିଛନ୍ତି ଯେ ଦୁହେଁ ସିୱାନରୁ ପଳାଇ ପାଟନାରେ ଏକାଠି ରହିବା ଆରମ୍ଭ କରିଥିଲେ। ସେମାନଙ୍କର ଇଚ୍ଛା ବିଷୟରେ ସୂଚନା ପାଇବା ପରେ ପରିବାର ସଦସ୍ୟ ଏହା ଉପରେ ଆପତ୍ତି ଜଣାଇଥିଲେ, କିନ୍ତୁ ସମଲିଙ୍ଗୀ ବିବାହ ପାଇଁ ଦୁହେଁ ପାଗଳ ଥିଲେ। ଉଭୟେ କୁହନ୍ତି ଯେ, ଆମେ ସମାନ ଧର୍ମର ଅଟୁ ଏବଂ ପରସ୍ପର ସହ ଜଡିତ, ତେବେ ତାହା କରିବା ସେମାନଙ୍କ ପାଇଁ କ’ଣ ଅସୁବିଧା? ଆମେ ବିବାହ କରିଛୁ ଏବଂ ବର୍ତ୍ତମାନ ଆମେ ପରସ୍ପରଠାରୁ ଅଲଗା ରହିପାରିବୁ ନାହିଁ।