ଗଞ୍ଜାମ/ଆସିକା,୨୫ା୪(ଡି.ଏନ.ଏ.): ଗଞ୍ଜାମ ଜିଲାର ୨ଜଣ ଛାତ୍ରୀ ଅର୍ଥନୀତି ସ୍ନାତକୋତ୍ତର ଓ କଳା ସ୍ନାତକ ପରୀକ୍ଷାରେ ସ୍ବର୍ଣ୍ଣପଦକ ହାସଲ କରିଛନ୍ତି। ସେମାନେ ହେଲେ ଅର୍ଥନୀତିରେ ଶୁଭଦର୍ଶିନୀ ସ୍ବାଇଁ ଓ କଳାରେ ଅପ୍ସାନା ଖାତୁନ।
ଗଞ୍ଜାମ ବଡ଼ବଜାରର ପୂର୍ଣ୍ଣଚନ୍ଦ୍ର ସ୍ବାଇଁଙ୍କ ଝିଅ ଶୁଭଦର୍ଶିନୀ ଭଞ୍ଜବିହାର ବିଶ୍ୱବିଦ୍ୟାଳୟ ଅର୍ଥନୀତି ବିଭାଗର ସ୍ନାତକୋତ୍ତରରେ ସ୍ବର୍ଣ୍ଣପଦକ ହାସଲ କରିଛନ୍ତି। ଗତ ୨୩ ତାରିଖରେ ବିଶ୍ୱବିଦ୍ୟାଳୟ କୁଳପତି ଗୋବିନ୍ଦ ଜେ. ଚକ୍ରପାଣି ଶୁଭଦର୍ଶିନୀଙ୍କୁ ସ୍ବର୍ଣ୍ଣପଦକ ପ୍ରଦାନ କରିଥିଲେ। ଭବିଷ୍ୟତରେ ସେ ଜଣେ ଭଲ ଅର୍ଥନୀତି ପ୍ରଫେସର ହେବାକୁ ଲକ୍ଷ୍ୟ ରଖିଥିବା ଯୋଗାଯୋଗ ବେଳେ କହିଛନ୍ତି।
ସେହିପରି ଖଲ୍ଲିକୋଟ ବିଶ୍ୱବିଦ୍ୟାଳୟର ହିନ୍ଦୀ ସ୍ନାତକୋତ୍ତର ବିଭାଗରେ ଅଧ୍ୟୟନରତ ଆସିକା ମହାବିଦ୍ୟାଳୟର ପ୍ରାକ୍ତନ ଛାତ୍ରୀ ଅପ୍ସାନାଙ୍କୁ ୨୦୧୯ ବର୍ଷ ପାଇଁ ବ୍ରହ୍ମପୁର ବିଶ୍ୱବିଦ୍ୟାଳୟର କଳାରେ ଶ୍ରେଷ୍ଠ ସ୍ନାତକ ଛାତ୍ରୀ ଭାବେ ସ୍ବର୍ଣ୍ଣପଦକ ପ୍ରଦାନ କରାଯାଇଛି। ଶୁକ୍ରବାର ଦିନ ବ୍ରହ୍ମପୁର ବିଶ୍ୱବିଦ୍ୟାଳୟକ ସମାବର୍ତ୍ତନ ଉତ୍ସବରେ କୁଳପତି ଅପ୍ସାନାଙ୍କୁ ଏହି ପଦକ ପ୍ରଦାନ କରିଛନ୍ତି। ଅପସାନା ଗଞ୍ଜାମ ଜିଲା ପୋଲସରା ନିବାସୀ ସାଜିଦ ଖାଁ ଓ ସମିତା ଖାତୁନଙ୍କ କନ୍ୟା।
