କୋଲକାତା,୧୮।୮: ପଶ୍ଚିମବଙ୍ଗ ଏସଟିଏଫ ଉତ୍ତର ୨୪ ପରଗାନା ଜିଲାର ସାସନର ଖରିବରୀ ଅଞ୍ଚଳରୁ ଆତଙ୍କବାଦୀ ସଂଗଠନ ଅଲକାଏଦାର ଦୁଇଜଣ ସନ୍ଦିଗ୍ଧ ସଦସ୍ୟଙ୍କୁ ଗିରଫ କରିଛି ପୋଲିସ। ସେମାନଙ୍କଠାରୁ କିଛି ବିସ୍ଫୋରକ ସାମଗ୍ରୀ ଜବତ କରାଯାଇଛି।
ସାସନ ପୋଲିସ ଷ୍ଟେଶନ ଅନ୍ତର୍ଗତ ଖରିବରୀ ଅଞ୍ଚଳରେ ଏସଟିଏଫ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ବୁଧବାର ବିଳମ୍ବିତ ରାତିରେ ଉଭୟଙ୍କୁ ଗିରଫ କରାଯାଇଥିଲା। ଏସଟିଏଫ ଅନୁଯାୟୀ, ସେମାନେ ଭାରତୀୟ ଉପମହାଦେଶରେ ନିଷିଦ୍ଧ ଆତଙ୍କବାଦୀ ସଂଗଠନ (ଏକ୍ୟୁଆଇଏସ୍)ର ସକ୍ରିୟ ସଦସ୍ୟ ହୋଇପାରନ୍ତି। ଗିରଫ ବ୍ୟକ୍ତିମାନେ ଗଙ୍ଗାରାମପୁରର ଅବଦୁର ରକିବ ସରକାର ଏବଂ ହୁଗୁଳି ଜିଲାର ଆରାମବାଗ ବାସିନ୍ଦା କାଜୀ ଅହସାନୁଲ୍ଲା ବୋଲି ଜଣାପଡିଛି।