ଲାଠୋର,୩।୮(ଡି.ଏନ.ଏ.): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ କରୁଆଝର ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟରେ ଶିକ୍ଷକ ଅଭାବ ରହିଛି ା ଆଠଟି ଶ୍ରେଣୀ ପାଇଁ ଦୁଇଜଣ ଶିକ୍ଷକ ଅଛନ୍ତି ା ଏହାସତ୍ତ୍ୱେ ସେଠାରେ କାର୍ଯ୍ୟରତ ଶିକ୍ଷକଙ୍କୁ ଶିକ୍ଷା ବିଭାଗ ସାଧନ କେନ୍ଦ୍ର ସଂଯୋଜକ ରୂପେ ନିଯୁକ୍ତି ଦେବାକୁ ପ୍ରୟାସ ହେଉଥିବା ଅଭିଭାବକ ମହଲରେ ଅଭିଯୋଗ ହେଉଛି। ପ୍ରକାଶ ଯେ, କରୁଆଝରରେ ଗତ ୧୯୫୯ ମସିହାରେ ଏକ ସରକାରୀ ପ୍ରାଥମିକ ବିଦ୍ୟାଳୟ ସ୍ଥାପନ କରି ସେଠାରେ ଶିକ୍ଷାଦାନ କାର୍ଯ୍ୟ ଆରମ୍ବ କରାଯାଇଥିଲା। ଧିରେ ଧିରେ ସେହି ବିଦ୍ୟାଳୟ ଉନ୍ନୀତ ଉଚ୍ଚ ବିଦ୍ୟାଳୟର ମାନ୍ୟତା ପ୍ରଦାନ କରାଗଲା। ବର୍ତ୍ତମାନ ପ୍ରଥମରୁ ଦଶମ ଶ୍ରେଣୀ ଯାଏ ଏଠାରେ ପାଠପଢା ହେଉଛି। ସେଥିମଧ୍ୟରୁ ପ୍ରଥମରୁ ପଞ୍ଚମ ଶ୍ରେଣୀ ଯାଏ ୧୨୯ ଜଣ ଛାତ୍ରୀଛାତ୍ର ଏବଂ ୬ଷ୍ଠରୁ ୮ମ ଶ୍ରେଣୀ ପର୍ଯ୍ୟନ୍ତ ୧୧୮ ଜଣ ଛାତ୍ରୀଛାତ୍ର ଅଧ୍ୟୟନ କରୁଥିବା ବେଳେ କେବଳ ଦୁଇଜଣ ଶିକ୍ଷକ ପ୍ରଥମରୁ ଅଷ୍ଟମ ଶ୍ରେଣୀ ଯାଏ ଶିକ୍ଷାଦାନ ପାଇଁ ନିଯୁକ୍ତି ପାଇଛନ୍ତି। ସେହି ଦୁଇଜଣ ଶିକ୍ଷକଙ୍କ ମଧ୍ୟରୁ ଜଣକୁ ଶିକ୍ଷା ବିଭାଗ ସାଧନ କେନ୍ଦ୍ର ସଂଯୋଜକ ଭାବେ ନିଯୁକ୍ତି ଦେବାକୁ ପ୍ରୟାସ ଆରମ୍ଭ କରିଛି। ଯଦି ତାଙ୍କୁ ସଂଯୋଜକ ଭାବେ ନିଯୁକ୍ତି ଦିଆଯାଏ ତାହେଲେ ପ୍ରଥମରୁ ଅଷ୍ଟମ ଶ୍ରେଣୀ ଯାଏ କେବଳ ଜଣେ ମାତ୍ର ଶିକ୍ଷକ ରହିବେ। ଶିକ୍ଷା ଅଧିକାର ଆଇନ ୨୦୧୦ ଅନୁସାରେ ୩୦ ପିଲାଙ୍କୁ ଜଣେ ଶିକ୍ଷକ ହିସାବରେ ପ୍ରଥମରୁ ପଞ୍ଚମ ଶ୍ରେଣୀ ଯାଏ ୫ ଜଣ ଶିକ୍ଷକ ଏବଂ ୬ଷ୍ଠରୁ ୮ମ ଶ୍ରେଣୀ ପର୍ଯ୍ୟନ୍ତ ୪ ଜଣ ଶିକ୍ଷକ ନିଯୁକ୍ତି ଦେବା କଥା। ହେଲେ ଶିକ୍ଷା ବିଭାଗ ଏଠାରେ ଶିକ୍ଷା ଅଧିକାର ଆଇନର ଖୁଲମଖୁଲା ଉଲ୍ଲଙ୍ଘନ କରି ଶିକ୍ଷକ ନିଯୁକ୍ତି ନ ଦେଇ ଦୁଇଜଣ ଶିକ୍ଷକରେ କାମ ଚଳାଉଛନ୍ତି। ପୁଣି ସେହି ଦୁଇଜଣ ଶିକ୍ଷକଙ୍କ ମଧ୍ୟରୁ ଜଣକୁ ସାଧନ କେନ୍ଦ୍ର ସଂଯୋଜକ ଭାବେ ନିଯୁକ୍ତି ଦିଆଗଲେ ଛାତ୍ରୀଛାତ୍ରମାନେ ଉପଯୁକ୍ତ ଶିକ୍ଷାଦାନ ପାଇବାରୁ ବଞ୍ଚତ୍ତ ହେବେ ବୋଲି ଅଭିଭାବକମାନେ କହିଛନ୍ତି। ଏନେଇ ଖପ୍ରାଖୋଲ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ମୀନକେତନ ବରିହାଙ୍କୁ ପଚାରିବାରେ କରୁଆଝର ବିଦ୍ୟାଳୟର ଶିକ୍ଷକଙ୍କୁ ସାଧନ କେନ୍ଦ୍ର ସଂଯୋଜକ ଭାବେ ନିଯୁକ୍ତି ଦେବାର ଯୋଜନା ନାହଁି। ଉକ୍ତ ବିଦ୍ୟାଳୟରେ ଅଧିକ ଶିକ୍ଷକ କେମିତି ନିଯୁକ୍ତି ଦିଆଯିବ ସେଥିଲାଗି ପଦକ୍ଷେପ ଗ୍ରହଣ କରୁଛୁ ବୋଲି କହିଥିଲେ।