ବାରିପଦା ଅଫିସ,୧୫ା୧୨: ଶିମିଳିପାଳ ଅଭୟାରଣ୍ୟର ଜୀବଜନ୍ତୁକୁ ନେଇ ଦୁଇଟି ଭିଡିଓ ଏବେ ଚର୍ଚ୍ଚାର ବିଷୟ ପାଲଟିଛି। ୨ ଦିନ ତଳେ କେତେଜଣ ପର୍ଯ୍ୟଟକ ଅଭୟାରଣ୍ୟ ବୁଲିବାକୁ ଆସି ଫେରିବା ବେଳେ ଏକ କଲରାପତରିଆ ବାଘ ହାବୁଡ଼ରେ ପଡ଼ିଯାଇଥିଲେ। ସେହି ମୁହୂର୍ତ୍ତରେ ସେମାନେ କ୍ୟାମେରାରେ କଏଦ କରିଥିବା ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସେହିପରି ଅନ୍ୟ ଏକ ଭିଡିଓରେ ଅଜଗର କବଳରେ ଛେଳି ପଡ଼ିଥିବା ବେଳେ ଗ୍ରାମର ପିଲାମାନେ କିପରି ତାକୁ ଉଦ୍ଧାର କରୁଛନ୍ତି ତାହା ମଧ୍ୟ ଦେଖିବାକୁ ମିଳିଛି। ଶିମିଳିପାଳ ପାଦଦେଶରେ ଥିବା ଠାକୁରମୁଣ୍ଡା ବ୍ଲକ ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଛି।