ବୁଗୁଡ଼ା,୧୨ା୮(ଡି.ଏନ୍.ଏ.)- ଘାଇରୁ ପାଣି ନେବାକୁ କେନ୍ଦ୍ରକରି ଦୁଇ ଗ୍ରାମବାସୀ ମୁହଁ।ମୁହିଁ ହେବା ପରେ ବିଭାଗୀୟ କର୍ତ୍ତୃପକ୍ଷ ପହଞ୍ଚତ୍ ସମାଧାନ କରିଛନ୍ତି। ଏଭଳି ଘଟଣା ଘଟିଛି ବୁଗୁଡା ଅଞ୍ଚଳରେ। ପ୍ରକାଶ ଯେ, କ୍ଷୁଦ୍ର ଜଳସେଚନ ବିଭାଗ ଅଧିନରେ ଥିବା ଜାଉପାଣିଆ ଘାଇ ଉପରେ ଚିଲିଖମା ଓ ଗୋଳାବନ୍ଧ ଗ୍ରାମବାସୀ ନିର୍ଭର କରନ୍ତି। ଉକ୍ତ ଘାଇରୁ ଚିଲିଖମା ଗ୍ରାମକୁ କେନାଲ ଯୋଗେ ଜଳ ଯୋଗାଣ ସୁବିଧା ରହିଛି। ମାତ୍ର ୩ବର୍ଷ ହେଲା ଦାବି କରୁଥିଲେ ମଧ୍ୟ ଗୋଳାବନ୍ଧକୁ କେନାଲ ସୁବିଧା କରାଯାଉନାହିଁ। ସେମାନେ ନିଜସ୍ବ ଉଦ୍ୟମରେ ପାଇପ ପକାଇ ଜମିକୁ ପାଣି ନେବା ବ୍ୟବସ୍ଥା କରିଥାନ୍ତି। ତେବେ ଚିଲିଖମା ଗ୍ରାମବାସୀ ଉକ୍ତ ପାଇପକୁ ଜାମ୍ କରିଦେବା ଫଳରେ ଗୋଳାବନ୍ଧ ଓ ଚିଲିଖମା ଗ୍ରାମବାସୀ ମଧ୍ୟରେ ମଙ୍ଗଳବାର ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ବିଭାଗୀୟ କାର୍ଯ୍ୟନିର୍ବାହୀ ଯନ୍ତ୍ରୀ କିଶୋର ଚନ୍ଦ୍ର ପାଳ, ସହକାରୀ ଯନ୍ତ୍ରୀ ସରୋଜ ଶାହା ଓ କନିଷ୍ଠ ଯନ୍ତ୍ରୀ ଅଚ୍ୟୁତାନନ୍ଦ ପାତ୍ର ପ୍ରମୁଖ ପହଞ୍ଚତ୍ ଆଇକଟ୍ ମ୍ୟାପ ଅନୁସାରେ ଉଭୟ ଗ୍ରାମକୁ ଜଳଯୋଗାଣ ବ୍ୟବସ୍ଥା ରହିଛି। ଏଣୁ ଗୋଳାବନ୍ଧବାସୀଙ୍କୁ ଏକ ସପ୍ତାହ ମଧ୍ୟରେ ଜଳ ଯୋଗାଇ ଦେବା ବ୍ୟବସ୍ଥା କରାଯିବ ବୋଲି ପ୍ରତିଶ୍ରୁତି ଦେବା ପରେ ସମସ୍ୟାର ସମାଧାନ ହୋଇଥିଲା।