ଜୟପୁର, ୩୧।୩ (ନି.ପ୍ର.): ୨ ନାବାଳିକା ବଳାତ୍କାର ମାମଲାର ବିଚାରକରି ଜୟପୁର ଆଡହକ ଅତିରିକ୍ତ ଦୌରା ଜଜ୍ ଓ ଫାଷ୍ଟ ଟ୍ରାକ୍ ସ୍ପୋଶାଲ କୋର୍ଟ ଜଜ୍ ପ୍ରଦୀପ ସାସମଲ ୨ଜଣ ଯୁବକଙ୍କୁ ସଶ୍ରମ କାରାଦଣ୍ଡରେ ଦଣ୍ଡିତ କରିବା ସହ ଆର୍ଥତ୍କ ଜରିମାନା କରିଛନ୍ତି। କୁନ୍ଦୁରା ବ୍ଲକ ନାରା ଗ୍ରାମର ଅଭିଯୁକ୍ତ ଦିଲୀପ ବାରିକଙ୍କୁ ୨ଟି ଦଫାରେ ୨୦ ବର୍ଷ ସଶ୍ରମ କାରାଦଣ୍ଡ ସହ ୧୫ ହଜାର ଟଙ୍କା ଜରିମାନା କରାଯାଇଛି ା ଏହା ଅର୍ଥ ଅନାଦାୟ ହେଲେ ଅଧିକ ୯ ମାସ ସଶ୍ରମ କାରାଦଣ୍ଡ ଭୋଗିବାକୁ ବିଚାରପତି ତାଙ୍କ ରାୟରେ କହିିଛନ୍ତି । ରାଜ୍ୟ ସରକାରଙ୍କ ପକ୍ଷରୁ ଜିଲା ଆଇନ ସେବା ପ୍ରାଧିକରଣ ମାଧ୍ୟମରେ ସମ୍ପୃକ୍ତା ନାବାଳିକା ପୀଡିତାଙ୍କୁ ୨ ଲକ୍ଷ ଏବଂ ଆଦାୟ ହେବାକୁ ଥିବା ଜରିମାନା ଟଙ୍କା ଦେବାକୁ ବିଚାରପତି ନିର୍ଦ୍ଦେଶ ଦେଇଛନ୍ତି। ବିବରଣୀରୁ ଜଣାପଡିଛି, ୮ା୧୨ା୨୦୧୭ରେ ବାପା ଘରେ ନ ଥିବା ସମୟରେ ପୀଡିତାଙ୍କ ସମ୍ପର୍କୀୟ ଦିଲୀପ ବାରିକ ତାଙ୍କୁ କଲେଜରେ ଛାଡିଦେବି କହି ନିଜ ଘରକୁ ନେଇ ନାବାଳିକାଙ୍କ ଅନିଚ୍ଛା ସତ୍ତ୍ୱେ ବଳାତ୍କାର କରିଥିଲେ। ଏନେଇ ପରିବାର ଲୋକେ ଜୟପୁର ମହିଳା ଥାନାରେ ଅଭିଯୋଗ କରିଥିଲେ ା ଅଭିଯୋଗକୁ ଭିତ୍ତିକରି ମହିଳା ଥାନା ପୋଲିସ ମାମଲା ରୁଜୁ କରି ଦିଲୀପଙ୍କୁ ଗିରଫ କରି କୋର୍ଟଚାଲାଣ କରିଥିଲା। ୧୧ ଜଣଙ୍କ ସାକ୍ଷ୍ୟ ପ୍ରମାଣକୁ ଭିତ୍ତିକରି ଅଭିଯୁକ୍ତଙ୍କୁ କୋର୍ଟ ଉପରୋକ୍ତ ଦଣ୍ଡାଦେଶ ଦେଇଛନ୍ତି। ସେହିପରି ବୈପାରିଗୁଡା ଥାନା ଅନ୍ତର୍ଗତ ଅନ୍ୟ ଏକ ବଳାତ୍କାର ମାମଲାରେ ଅଭିଯୁକ୍ତ ନିନି ଗୁରୁ ହନ୍ତାଳଙ୍କୁ କୋର୍ଟ ୧୫ ବର୍ଷ ସଶ୍ରମ କାରାଦଣ୍ଡ ଦେଇଛନ୍ତି। ଏଥିସହ ତାଙ୍କୁ ୧୫ ହଜାର ଟଙ୍କା ଆର୍ଥତ୍କ ଜରିମାନା କରିଛନ୍ତି ା ଏହା ଅନାଦାୟ ହେଲେ ଅଧିକ ୯ ମାସ ଜେଲଦଣ୍ଡ ଭୋଗିବାକୁ ବିଚାରପତି ତାଙ୍କ ରାୟରେ କହିଛନ୍ତି ା ମାମଲାର ବିବରଣୀରୁ ଜଣାପଡିଛି , ୧୭ା୫ ା୨୦୧୫ରେ ନାବାଳିକା ଘରେ ନ ଥିବା ଦେଖି ପରିବାର ଲୋକେ ଖୋଜାଖୋଜି କରିଥିଲେ । ୨ ଦିନ ପରେ ନାବାଳିକା ଘରକୁ ଫେରି ଅଭିଯୁକ୍ତ ନିନି ଗୁରୁ ତାଙ୍କୁ ବିବାହ ପ୍ରଲୋଭନ ଦେଖାଇ ବଳାତ୍କାର କରିଥିବା ପରିବାର ଲୋକଙ୍କୁ କହିଥିଲେ। ଏନେଇ ପରିବାର ଲୋକେ ବୈପାରିଗୁଡା ଥାନାରେ ଅଭିଯୋଗ କରିଥିଲେ। ୧୧ ଜଣଙ୍କ ସାକ୍ଷ୍ୟ ପ୍ରମାଣକୁ ଭିତ୍ତିକରି କୋର୍ଟ ଉପରୋକ୍ତ ରାୟ ଦେଇଛନ୍ତି। ଏହି ୨ଟି ମାମଲାକୁ ପବ୍ଲିକ ପ୍ରସିକ୍ୟୁଟର ବି.ଗାୟିତ୍ରୀ ଦେବୀ ପରିଚାଳନା କରୁଥିଲେ ା