ଜି.ଉଦୟଗିରି,୮ା୬(ଡି.ଏନ୍.ଏ.): କନ୍ଧମାଳ ଜିଲା ଜି. ଉଦୟଗିରି ବ୍ଲକ ଅନ୍ତର୍ଗତ ଲିଙ୍ଗାଗଡ଼ ପଞ୍ଚାୟତ ଲିଙ୍ଗାଗଡ଼ ଗ୍ରାମ ନିକଟରେ ଏକ ଅଭାବନୀୟ ଘଟଣା ଘଟିଛି। କୁତୁଲୁମା ପୋଖରୀ ପାଣିରେ ଗୋଡ଼ ଖସି ଦୁଇ ଜଣ ମହିଳା ପାଣିରେ ବୁଡ଼ି ମୃତ୍ୟୁବରଣ କରିଛନ୍ତି। ମୃତକ ଦୁଇ ଜଣ ହେଲେ କୁରୁ ମଣି ପ୍ରଧାନ ଓ ସୂର୍ଯ୍ୟକାନ୍ତି ପ୍ରଧାନ। ଆଜି ସକାଳେ ଗୋବର ପିଙ୍ଗିବାକୁ ଯାଇଥିଲେ। ଗୋବର ପକାଇ ଗାଧୋଇବା ପାଇଁ ଯାଇଥିବା ବେଳେ ଅସାବଧାନତା ଯୋଗୁ ପୋଖରୀରେ ଗୋଡ଼ ଖସି ବୁଡି ଯାଇଥିଲେ। ଗ୍ରାମବାସୀ ଗୋଟିଏ ମୃତଦେହ ଉଦ୍ଧାର କରିଥିବା ବେଳେ ଅନ୍ୟ ଏକ ମୃତ ଦେହକୁ ଜି. ଉଦୟଗିରି ଦମକଳ ବାହିନୀ ପହଞ୍ଚି ଉଦ୍ଧାର କରିଛି । ଜି .ଉଦୟଗିରି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।ଏନେଇ କେସ୍ ନଂ ୧୦/୨୩ ଏବଂ୧୧/୨୩ରେ ଦୁଇଟି ଅପମୃତ୍ୟୁ ମାମଲା ରୁଜୁ କରି ପୋଲିସ ତଦନ୍ତ କରୁଛି।
