ବାହାନଗା, ୧୮।୬(ଡି.ଏନ.ଏ.) କୋଲକାତାରେ ଜଗନ୍ନାଥଙ୍କ ରଥ ନିମନ୍ତେ ବାଲେଶ୍ୱର ଜିଲା ବାହାନଗା ବ୍ଲକ ଆରୁହାବାଡ ପଞ୍ଚାୟତ ଦୋଳପୁର ଗ୍ରାମରୁ ଦୁଇଟି କାଠଘୋଡା ନିର୍ମାଣ କରାଯାଇ ସେଠାକୁ ନିଆଯାଇଛି। ରଥ ଆଗରେ ଖଞ୍ଜାଯାଉଥିବା ଏହି ଘୋଡା ନିର୍ମାଣ ଲାଗି ଦୋଳପୁର ଗ୍ରାମର ଭରତ ବିନ୍ଧାଣୀଙ୍କୁ ବରାଦ ଦିଆଯାଇଥିଲା। କୋଲକାତାସ୍ଥିତ ଭବାନୀପୁର ଅଞ୍ଚଳର ହରିଶପାର୍କ ନିକଟସ୍ଥ ବାଷଠୀପଲ୍ଲୀରେ ଥିବା ଜଗନ୍ନାଥ ମନ୍ଦିର ରଥଯାତ୍ରାରେ ଏହି ଘୋଡା ଖଞ୍ଜାଯିବ।
ଅନୁଯାୟୀ ଭରତ ରଥ ସାମ୍ନାରେ ଲାଗୁଥିବା ଦୁଇଟି ଘୋଡା ନିର୍ମାଣ କରି ରଙ୍ଗ ଲଗାଇ ଘୋଡା ଦୁଇଟିକୁ ସଜାଇ କୋଲକାତାକୁ ନେଇ ରଥରେ ଲଗାଇବା ତାଙ୍କର ଦାୟିତ୍ୱ ବୋଲି ସେ ପ୍ରକାଶ କରିଥିଲେ ା ତେବେ ସେଠାରେ ଯେଉଁ ରଥ ନିର୍ମାଣ କରାଯାଇ ରଥଯାତ୍ରାରେ ବିଗ୍ରହଙ୍କୁ ବସାଇ ଟଣାଯାଉଛି ତାହା ୩ରୁ ୪ବର୍ଷ ପୂର୍ବେ ଦୋଳପୁର ଗ୍ରାମର ଭରତ ଓ ତାଙ୍କ ପୁଅ ସୁବାସ ଚନ୍ଦ୍ର ବିନ୍ଧାଣିଙ୍କ ସମେତ ଆଉ ୨ଜଣ ବଢେଇ ସେତେବେଳେ ନିଜ ଗ୍ରାମରେ ରଥ ନିର୍ମାଣ କରି ସେଠାକୁ ପଠାଇଥିଲେ। କରୁଣା ଦୁଇବର୍ଷ ପରେ ଏବେ ତାଙ୍କୁ ରଥ ଆଗରେ ଦୁଇଟି ଘୋଡା ନିର୍ମାଣ କରି ଲଗାଇବା ପାଇଁ ଭରତଙ୍କୁ ସେଠାକାର ମନ୍ଦିର ଓ ରଥ କମିଟି ବରାଦ କରିଥିବାରୁ ସେ ଦୀର୍ଘ ୧୫ଦିନ ଧରି ନିଜେ ନିମ୍ବ କାଠରେ ଘୋଡା ନିର୍ମାଣ କରିଛନ୍ତି ା ସେହି ଘୋଡାକୁ ସେ ଏଠାରୁ କୋଲକାତାକୁ ନେଇ ସେଠାକାର ରଥରେ ଖଞ୍ଜିବା ସହିତ ରଥରେ କପଡା ଓ ରଙ୍ଗ ଲଗାଇବା ପାଇଁ ତାଙ୍କୁ ବରାଦ ଆସିଛି ା ତେଣୁ କରି ସେ ଆସନ୍ତା ଶନିବାର ରାତିରେ ତିଆରି କରିଥିବା ଘୋଡା ସହିତ କୋଲକାତା ଯିବେ। ଓଡିଶାର କାରିଗରଙ୍କ ଦ୍ୱାରା ନିର୍ମାଣ ଘୋଡା ହିଁ ଜଗନ୍ନାଥଙ୍କ ରଥରେ ଲାଗିପାରିବ ବୋଲି ସେମାନଙ୍କର ବିଶ୍ୱାସ ଥିବାରୁ ସେଥିପାଇଁ ସେମାନେ ଓଡିଆ କାରିଗରୀଙ୍କଠାରୁ ଘୋଡା ନିର୍ମାଣ ପାଇଁ ବରାଦ ଦେଇଥାନ୍ତି ା ସେଠାରେ ଯେଉଁ ରଥ ଟଣାଯାଉଛି ସେହି ରଥକୁ ଭରତ ୪ ବର୍ଷ ତଳେ ନିର୍ମାଣ କରିଥିଲେ ା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଅଞ୍ଚଳ ହୋଇଥିବାରୁ ମମତା ଦୋଳପୁର ଗ୍ରାମର ରଥ ନିର୍ମାଣକାରୀ ଭରତଙ୍କୁ ପ୍ରଶଂସା କରିଥିଲେ ବୋଲି ପ୍ରକାଶ କରିଥିଲେ। ସେବେଠାରୁ ପ୍ରତିବର୍ଷ ରଥଯାତ୍ରା ଆସିଲେ ଓଡିଶାର ବାଲେଶ୍ୱର ଜିଲା ବାହାନଗା ବ୍ଲକ ଦୋଳପୁର ଗ୍ରାମର ଭରତ ଓ ତାଙ୍କ ପୁଅକୁ ସେ ଅଞ୍ଚଳବାସୀ ଖୋଜିଥାନ୍ତି ା ରଥରେ ରଙ୍ଗ ମାରିବାଠାରୁ ରଥ ମରାମତି ଓ କପଡା ଫିଟିଂ କରିବା ଆଦିରେ ଭରତ ପ୍ରତିବର୍ଷ ସେଠାକୁ ଯାଇ ସହାୟତା କରିଥାନ୍ତି। ସେଥିପାଇଁ ଭରତଙ୍କୁ ଉପଯୁକ୍ତ ପାରିଶ୍ରମିକ ସେମାନେ ନେଇଥାନ୍ତି। ତେବେ ଭରତ ଠାକୁରଙ୍କ କାମ ନିମନ୍ତେ କେବେ ବି ପାରିଶ୍ରମିକ ବାବଦକୁ କିଛି ଦାବି କରି ନ ଥାଏ। ତେବେ କୋଲକାତାର ରଥ ନିମନ୍ତେ ଓଡିଶାର ପଲ୍ଲୀ ଅଞ୍ଚଳ ଦୋଳପୁର ଗ୍ରାମରୁ ରଥ ଘୋଡା ନିର୍ମାଣ କରାଯାଇ ସେଠାକୁ ଯିବା ଆନନ୍ଦର ବିଷୟ ପାଲଟିଛି।