ସଜନାଗଡ଼,୧୯।୧୨(ଡି.ଏନ୍.ଏ.): ବାଲେଶ୍ୱର ଜିଲା ନୀଳଗିରି ଥାନା ଅଧୀନ ମିତ୍ରପୁର ଅଞ୍ଚଳରେ ଦୁଇ ବ୍ୟାଟେରି ଚୋରଙ୍କୁ ଧରି ସ୍ଥାନୀୟ ଲୋକେ ନିସ୍ତୁକ ମାଡ଼ ମାରି ପୋଲିସ ଜିମା ଦେଇଛନ୍ତି।
ସୂଚନା ଅନୁଯାୟୀ, ରବିବାର ଭୋରରେ ଦୁଇ ଜଣ ଯୁବକ ଏକ ବାଇକ୍ରେ ଆସିଥିଲେ। ମଛୁଆ ଅଞ୍ଚଳର କମଳାକାନ୍ତ ପ୍ରଧାନଙ୍କ ବାଡ଼ିରେ ଛିଡ଼ା ହୋଇଥିବା ଏକ ଡମ୍ପରରୁ ବ୍ୟାଟେରି ଚୋରି କରୁଥିଲେ। ଏହା ଦେଖି କମଳାକାନ୍ତ ଡାକ ପକାଇବାରୁ ସ୍ଥାନୀୟ ଲୋକେ ପହଞ୍ଚି ଯୁବକ ଦ୍ୱୟଙ୍କୁ କାବୁ କରି ନିର୍ଧୂମ୍ ମାଡ଼ ମାରିଥିଲେ। ପରେ ଉଭୟଙ୍କୁ ପୋଲିସ ଜିମା ଦିଆଯାଇଥିଲା। ଏନେଇ ନୀଳଗିରି ଥାନାରେ ଏକ ମାମଲା (ନଂ.୩୮୦/୨୧) ରୁଜୁ ହୋଇଛି। ପୋଲିସ ଯୁବକ ଦ୍ୱୟଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଯୁବକ ଦ୍ୱୟ ହେଲେ ନୀଳଗିରି ଥାନା ଅଧୀନ କାହାଳିଆ ଗ୍ରାମର କାଠିଆ ମହଲ ଏବଂ ରାଜନଗର ଗ୍ରାମର ଅଜୟ ସିଂ।
