ବରଗଡ଼ ଅଫିସ୍,୪।୮: କରୋନା(କୋଭିଡ୍-୧୯)ରୁ ଆରୋଗ୍ୟ ଲାଭକରି ମଙ୍ଗଳବାର ବରଗଡ଼ ବ୍ଲକ ଅନ୍ତର୍ଗତ କଟାପାଲି ଗ୍ରାମର ଦୁଇଜଣ ଯୁବକ ପ୍ଲାଜମା ଦାନ କରିବେ। ସେମାନେ ହେଲେ, ରବୀନ୍ଦ୍ର ସାହୁ ଓ ଉମେଶ ଦାଶ । ଯୁବକମାନଙ୍କ ଏଭଳି ବଦାନ୍ୟତା ଯୋଗୁ ମଙ୍ଗଳବାର ସକାଳଳେ ଜିଲାପାଳଙ୍କ କାର୍ଯ୍ୟାଳୟ ପରିସରରେ ସମ୍ବର୍ଦ୍ଧନା ସହିତ ପ୍ଲାଜମା ଦାନ ପାଇଁ ଭୀମସାର୍, ବୁର୍ଲା ପଠାଯାଇଛି। ସମ୍ବର୍ଦ୍ଧନା କାର୍ଯ୍ୟକ୍ରମରେ ରାଜ୍ୟସଭା ଏମ୍ପି ପ୍ରସନ୍ନ ଆଚାର୍ଯ୍ୟ, ବରଗଡ଼ ବିଧାୟକ ଦେବେଶ ଆଚାର୍ଯ୍ୟ, ଜିଲାପାଳ ଜ୍ୟୋତିରଞ୍ଜନ ପ୍ରଧାନ ଉପସ୍ଥିତ ଥିଲେ। ତେବେ ଏପର୍ଯ୍ୟନ୍ତ କରୋନାରୁ ସୁସ୍ଥ ହୋଇଥିବା ଅନ୍ୟ ୮ଜଣ ମଧ୍ୟ ପ୍ଲାଜମା ଦାନ ପାଇଁ କହିଛନ୍ତି।
