କେନ୍ଦ୍ରାପଡ଼ା ଅଫିସ,୨।୧: ନୂଆବର୍ଷରେ ପିକ୍ନିକ୍ କରିବାକୁ ଯାଇ ଆଉ ଘରକୁ ଫେରିଲେନି ୨ ଯୁବକ। ରବିବାର ମୃତଦେହ ଉଦ୍ଧାର କରାଯାଇଛି। ମୃତଦେହ ସହିତ ଏକ ବାଇକ ମଧ୍ୟ ଜବତ ହୋଇଛି। ଏଭଳି ଏକ ଘଟଣା ଘଟିଛି କେନ୍ଦ୍ରାପଡ଼ା ଜିଲାରେ। ମୃତକ ଦ୍ୱୟ ପାଟକୁରା ଥାନା ତଳଗାଁର। ସେମାନେ ହେଲେ- ଟ୍ରାକ୍ଟର ଡ୍ରାଇଭର ସୁବ୍ରତ ଜେନା ଓ ସନାତନ ପଟ୍ଟନାୟକ। ସେମାନଙ୍କ ମୃତଦେହ କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ଶ୍ୟାମସୁନ୍ଦରପୁର ନିକଟସ୍ଥ ଏକ ଗଡ଼ିଆ ଭିତରୁ ମୃତଦେହ ସହିତ ବାଇକ୍ ଜବତ ହୋଇଛି।
ସକାଳେ ସ୍ଥାନୀୟ ଲୋକେ ଗଡ଼ିଆରେ ମୃତଦେହ ଭାସୁଥିବା ଦେଖି ପୋଲିସକୁ ଖବର ଦେଇଥିଲେ। ପୋଲିସ ଓ ଅଗ୍ନିଶମ ବାହିନୀ କର୍ମଚାରୀ ଦୁଇଟି ମୃତଦେହ ସହ ବାଇକ୍ ଟିକୁ ଗାଡ଼ିଆରୁ କାଢ଼ିଥିଲେ। ମୃତ୍ୟୁର କାରଣ ଜଣାପଡ଼ିନାହିଁ। ବ୍ୟବଚ୍ଛେଦ ପାଇଁ ମୃତଦେହ ଜିଲା ମୁଖ୍ୟ ଚିକିତ୍ସାଳୟକୁ ପଠାଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ଅନ୍ୟପକ୍ଷରେ ବିଳମ୍ବିତ ରାତିରେ ବାଇକ୍ରେ ଫେରୁଥିଲା ବେଳେ ସେମାନେ କୌଣସି କାରଣ ବଶତଃ ଗଡ଼ିଆରେ ପଡ଼ିଯାଇଥିବା କୁହାଯାଉଛି।
