ୱାଶିଂଟନ,୧୩ ।୧: ଆମେରିକାରେ ଦୀର୍ଘ ୬୭ ବର୍ଷ ପରେ ଜଣେ ମହିଳାଙ୍କୁ ପ୍ରଥମଥର ଲାଗି ମୃତ୍ୟୁଦଣ୍ଡ ଦିଆଯିବ । ଆମେରିକାର ସର୍ବୋଚ୍ଚ ନ୍ୟାୟାଳୟ ମହିଳାଙ୍କ୍ୁ ମୃତ୍ୟୁଦଣ୍ଡ ନ ଦେବାକୁ କରାଯାଇଥିବା ଆବେଦନକୁ ଖାରଜ କରି ଦେଇଛନ୍ତି । ଯାହା ଫଳରେ ଏବେ ଏହି ମହିଳାଙ୍କୁ ମୃତ୍ୟୁଦଣ୍ଡ ମିଳିବା ସ୍ପଷ୍ଟ ହୋଇଯାଇଛି । ଆମେରିକା ସରକାର ଲିସା ମୋଟଗୋମେରୀ ନାମକ ମହିଳାଙ୍କୁ ମୃତ୍ୟୁଦଣ୍ଡ ଦେବା ପ୍ରକ୍ରିୟା ଶେଷ କରିଛନ୍ତି । ସୂଚନାଯୋଗ୍ୟ, ଲିସା ମୋଟଗୋମେରୀ ଆମେରିକାର ମିସୁରିରେ ଜଣେ ଗର୍ଭବତୀଙ୍କୁ ହତ୍ୟା କରିବା ପରେ ଗର୍ଭସ୍ଥ ଶିଶୁକୁ ବାହାର କରି ନେଇଯାଇଥିଲେ । ଏଥିରେ ସେ ଦୋଷୀ ସାବ୍ୟସ୍ତ ହୋଇଥିଲେ । ତେବେ ଦୀର୍ଘ ୬୭ ବର୍ଷ ପରେ ଆମେରିକାରେ ପ୍ରଥମଥର ଲାଗି ଜଣେ ମହିଳାଙ୍କ୍ୁ ମୃତ୍ୟୁଦଣ୍ଡ ଦିଆଯିବ । ଲିସା ମୋଟଗୋମେରୀଙ୍କ୍ୁ ଇଣ୍ଡିଆନାର ତେରେଂ ହାଉତେର ଏକ କେନ୍ଦ୍ରୀୟ କାରାଗାରରେ ମୃତ୍ୟୁଦଣ୍ଡ ଦିଆଯବ ବୋଲି ଜଣାପଡିଛି ।
