ଓ୍ବାଶିଂଟନ,୧୯ା୧୨: ବାଂଲାଦେଶରେ ମାନବାଧିକାର ଉଲ୍ଲଂଘନ ସଙ୍କଟ ବଢ଼ୁଥିବାରୁ ଏହି ଦେଶ ବିରୋଧରେ ନିର୍ଦ୍ଦିଷ୍ଟ କଟକଣା ଲଗାଇବାକୁ ଆମେରିକା ଆଇନ ପ୍ରଣେତା ସଦସ୍ୟମାନେ ଦାବି କରିଛନ୍ତି।
ଏହି ଦକ୍ଷିଣ ଏସୀୟ ରାଷ୍ଟ୍ରରେ ଯେଉଁମାନେ ସଂଖ୍ୟାଲଘୁଙ୍କ ବିରୋଧରେ କୁତ୍ସିତ କାର୍ଯ୍ୟରେ ସମ୍ପୃକ୍ତ, ସେମାନଙ୍କ ବିରୋଧରେ କଟକଣା ଲାଗୁ କରିବା ନିମନ୍ତେ ବୁଧବାର କଂଗ୍ରେସ ସଦସ୍ୟମାନେ ଆମେରିକାର ଅର୍ଥ ଓ ପରାରାଷ୍ଟ୍ର ବିଭାଗକୁ ଆହ୍ବାନ ଦେଇଛନ୍ତି। ଆମେରିକାର ବିଭିନ୍ନ ଭାଗରୁ ଆସିଥିବା ହିନ୍ଦୁମାନଙ୍କ ଉପସ୍ଥିତିରେ କଂଗ୍ରେସ ସଦସ୍ୟ ଶ୍ରୀ ଥାନେଦାର ଏହା କହିଛନ୍ତି। ଗତ ଜୁଲାଇରେ ବାଂଲାଦେଶରେ ରାଜନୈତିକ ହିଂସାକାଣ୍ଡରୁ ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହାସିନା ଇସ୍ତଫା ଦେଇ ଦେଶ ଛାଡ଼ି ପଳାଇଥିଲେ। ସେବେଠାରୁ ସେଠାର ହିନ୍ଦୁ, ବୌଦ୍ଧ ଏବଂ ଖ୍ରୀଷ୍ଟିୟାନ ସଂଖ୍ୟାଲଘୁମାନେ ହିଂସା ଓ ଅତ୍ୟାଚାରର ଶିକାର ହୋଇଆସୁଛନ୍ତି। ସଂଖ୍ୟାଗରିଷ୍ଠ ମୁସଲମାନମାନେ ସେମାନଙ୍କ ଉପରେ ତଥା ସେମାନଙ୍କ ଉପାସନା ସ୍ଥଳ ଉପରେ ଆକ୍ରମଣ ଜାରି ରଖିଛନ୍ତି ବୋଲି ଥାନେଦାର କହିଛନ୍ତି।
