ଆମେରିକାରେ ରହୁଥିବା ଜଣେ ମହିଳା ରାତାରାତି କୋଟିପତି ହେବାର ସୌଭାଗ୍ୟ ଲାଭ କରିଛନ୍ତି। ଉବର ଇଟ୍ସରେ ଡ୍ରାଇଭର ଭାବରେ କାର୍ଯ୍ୟ କରୁଥିବା ମହିଳା ଜଣଙ୍କ ପାଖାପାଖି ୨ କୋଟି ଟଙ୍କାର ଲଟେରୀ ଜିତିଛନ୍ତି। ଯୁକ୍ତରାଷ୍ଟ୍ର ଆମେରିକାର ମେରିଲ୍ୟାଣ୍ଡର ଏହି ମହିଳା ପୂର୍ବପରି କାମ କରୁଥିଲେ। ଗତ ସପ୍ତାହରେ ସେ ଲଟେରୀ ଜିତିବାପରେ ତାଙ୍କ ଜୀବନ ଏକ ଅପ୍ରତ୍ୟାଶିତ ମୋଡ଼ ନେଇଥିଲା। ଲଟେରୀ ଅଧିକାରୀମାନେ କହିଛନ୍ତି, ଉବର ଇଟ୍ସ ଡ୍ରାଇଭର୍ କାମ କରୁଥିବା ୫ ସନ୍ତାନର ମା’ ୨୫୦,୦୦୦ ଡଲାର୍ ଅର୍ଥାତ୍ ୧,୮୭,୧୯,୬୦୦ ଟଙ୍କାର ଲଟେରୀ ଜିତିଛନ୍ତି। ଏହାପରେ ସେ ଆଉ ଚାକିରି କରିବେ ନାହିଁ ବୋଲି ୪୭ ବର୍ଷୀୟା ଏହି ମହିଳା ଜଣଙ୍କ କହିଛନ୍ତି। ବାଟରେ ଯାଉଥିବାବେଳେ ହଠାତ୍ ମନକୁ ଆସିଲା ଆଜି କିଛି ଲଟେରୀ ଟିକେଟ୍ କିଣିବି। ଏହାରେ ମେରିଲ୍ୟାଣ୍ଡ ଆପ୍ ବ୍ୟବହାର କରି ଟିକେଟ୍ କିଣିଥିଲି। କିନ୍ତୁ କେବେ ଭାବି ନ ଥିଲି ଏତେ ଟଙ୍କା ମୁଁ ଜିତିବି। କାରଣ ପୂର୍ବରୁ ମାତ୍ର ଅଳ୍ପ ଟଙ୍କାର ଲଟେରୀ ବେଳେବେଳେ ଜିତୁଥିଲି। ଏଥର ମୋ ଭାଗ୍ୟ ସହାୟତା ଦେଇଛି ବୋଲି ମହିଳା ଜଣଙ୍କ କହିଛନ୍ତି। ଜିତିଥିବା ଟଙ୍କାରେ ଘରର ଡାଉନ୍ ପେମେଣ୍ଟ୍ ଦେବା ସହ ପିଲାମାନଙ୍କ ଭବିଷ୍ୟତ ପାଇଁ ଖର୍ଚ୍ଚ କରିବି ବୋଲି ସେ କହିଛନ୍ତି।