ଭୁବନେଶ୍ୱର,୨୨।୨(ବ୍ୟୁରୋ) ରାଜ୍ୟର ଆର୍ଥିକ ବିକାଶ ଉପରେ ନଜର ରଖି ‘ଉତ୍କଳ ଚ୍ୟାମ୍ବର ଅଫ୍ କମର୍ସ ଆଣ୍ଡ୍ ଇଣ୍ଡଷ୍ଟ୍ରୀ ଲିମିଟେଡ୍’ (ୟୁସିସିଆଇଏଲ୍) ପକ୍ଷରୁ ୟୁଏସ୍ଏର ନିବେଶକମାନଙ୍କୁ ଓଡିଶା ଗସ୍ତରେ ଆସିବାକୁ ଅନୁରୋଧ କରାଯାଇଛି। ରାଜ୍ୟରେ ଆଲୁମିନିୟମ, ଷ୍ଟିଲ୍ , କେମିକାଲ୍ସ, ପେଟ୍ରୋକେମିକାଲ୍ସ, ଫୁଡ୍ ପ୍ରୋସେସିଂ, ଇନ୍ଫର୍ମେସନ ଟେକ୍ନୋଲୋଜି କ୍ଷେତ୍ରରେ ନିବେଶ ପାଇଁ ସୁଯୋଗ ରହିଥିବାରୁ ସେମାନଙ୍କୁ ସୁହାଉଥିବା ଭଳି ଜାଗା ଚୟନ କରିବାକୁ ୟୁସିସିଆଇଏଲ୍ ପକ୍ଷରୁ ନିବେଶକମାନଙ୍କୁ କୁହାଯାଇଛି।
ନ୍ୟୁୟର୍କରେ ଭାରତର ବାଣିଜ୍ୟଦୂତ ରଣଧୀର ଜୈଶଓ୍ବାଲ୍ ଏବଂ ତାଙ୍କ ଡେପୁଟି ବରୁଣ ଜେଫ୍, ୟୁସିସିଆଇଏଲ୍ ସଭାପତି ବ୍ରହ୍ମା ମିଶ୍ର ଆମେରିକୀୟ ନିବେଶକମାନଙ୍କ ସହିତ କଥାବାର୍ତ୍ତା ହେବା ସମୟରେ, ଓଡିଶାକୁ ଏକ ନିବେଶସ୍ଥଳ ଭାବରେ ସେମାନଙ୍କ ନିକଟରେ ପରିଚିତ କରାଇଥିଲେ।
ୟୁସିସିଆଇଏଲ୍ ସଭାପତି ମିଶ୍ର କହିଛନ୍ତି ଯେ, ନିବେଶକମାନଙ୍କୁ ମେକ୍ ଇନ୍ ଇଣ୍ଡିଆ ଏବଂ ଆତ୍ମନିର୍ଭର ଭାରତକୁ ପ୍ରୋତ୍ସାହନ ଦେବା ଦିଗରେ ୟୁସିସିଆଇଏଲ୍ ଯୋଜନା ପ୍ରସ୍ତୁତ କରିଛି । ସେ ଆହୁରି ମଧ୍ୟ କହିଛନ୍ତି, ଆମେ ନ୍ୟୁୟର୍କ ବାଣିଜ୍ୟ ଦୂତାବାସ କାର୍ଯ୍ୟାଳୟରେ ଆୟୋଜିତ ହେବାକୁ ଥିବା ଉତ୍କଳ ଦିବସ କାର୍ଯ୍ୟକ୍ରମରେ ଯୋଗ ଦେଇ ଆମ ପ୍ରଗତିଶୀଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉତ୍ତମ ନେତୃତ୍ୱରେ ଓଡିଶାର ଆର୍ଥିକ ମିଶନ ସମ୍ପର୍କରେ ସମସ୍ତଙ୍କୁ ଅବଗତ କରାଇବେ। ମିଶ୍ର ୨୦୨୨ ଜୁଲାଇ ମାସରେ ଏକ ରାଉଣ୍ଡ୍ ଟେବୁଲ୍ ବ୍ୟବସାୟ ଆଲୋଚନା ପାଇଁ ଅନୁରୋଧ କରିଛନ୍ତି।