ଜି ଉଦୟଗିରି ୫।୧(ଶିଶିର ପଟ୍ଟନାୟକ): ଗତ ୫ଦିନ ହେବ ଜି. ଉଦୟଗିରି ରାଜ୍ୟର ସବୁଠାରୁ ଥଣ୍ଡା ସହର ଭାବେ ଚିହ୍ନଟ ହୋଇଛି । ରବିବାର ସର୍ବନିମ୍ନ ତାପମାତ୍ରା ୫ ଡିଗ୍ରୀ ସେଲସିୟସ ରହିଛି । ଗୁରୁବାର, ଶୁକ୍ରବାର ଦିନ ସର୍ବନିମ୍ନ ତାପମାତ୍ରା ୪.୮ଡିଗ୍ରୀ ରହିଥିବା ବେଳେ ଶନିବାର ଦିନ ୪.୬ଡିଗ୍ରୀ ରହିଥିଲା। ପ୍ରବଳ ଶୀତ ସାଙ୍ଗକୁ କୋହଲା ପବନ ଶୀତର ପ୍ରକୋପକୁ ଅଧିକ ବଢ଼ାଇ ଦେଉଛି। ଗତ ୪ବର୍ଷ ହେବ ଅନେକ ସମୟରେ ଜି. ଉଦୟଗିରି ରାଜ୍ୟର ସବୁଠାରୁ ଥଣ୍ଡା ସହର ରହି ଆସୁଥିବା ଯୋଗୁ । ଜିଲା ପ୍ରଶାସନ ଜି. ଉଦୟଗିରିରେ ରାଜ୍ୟସ୍ତରୀୟ ଶୀତ ମହୋତ୍ସବ ପାଳନ କରିବ ପାଇଁ ବିଭିନ୍ନ ସଂଗଠନ ଦାବି କରୁଛନ୍ତି। ଏଣେ ଜି ଉଦୟଗିରି ବ୍ଲକ ଅଧୀନରେ କଳିଙ୍ଗା ଘାଟି, କଳିଙ୍ଗା ବନ ଉଦ୍ୟାନ, କଫିବଗିଚା, ହିଲଟପ, ଶିରିକି ପାର୍କ, ସିରିକି ଡେମ ରହିଥିବା ଯୋଗୁ ରାଜ୍ୟ ସରକାର ସିରିକି ନିକଟରେ ଇକୋ ରିଟ୍ରିଟ କଲେ ଅଧିକ ପର୍ଯ୍ୟଟକ ଆସି ପାରନ୍ତେ ବୋଲି ଅଞ୍ଚଳ ବାସୀ କହୁଛନ୍ତି