‘ଗୋଟିଏ ପଟେ ପିଓକେ ନେବା କଥା କହୁଛନ୍ତି, ଅନ୍ୟପଟେ ପାକିସ୍ତାନ ସହ କ୍ରିକେଟ ଖେଳୁଛନ୍ତି,’ ମୋଦି ସରକାରଙ୍କୁ ଟାର୍ଗେଟ କଲେ ସଞ୍ଜୟ

ନୂଆଦିଲ୍ଲୀ,୧୪।୯: କାଶ୍ମୀରରେ ତିନିଜଣ ଅଧିକାରୀଙ୍କ ଶହୀଦ ହେବା ଘଟଣାକୁ ନେଇ ଉଦ୍ଧବ ଠାକରେଙ୍କ ଶିବସେନାର ସଞ୍ଜୟ ରାଉତ କେନ୍ଦ୍ର ସରକାରଙ୍କୁ ଟାର୍ଗେଟ କରିଥିଲେ। ସେ କହିଛନ୍ତି ଯେ ଯେଉଁ ସମୟରେ ଏହି ଆକ୍ରମଣ କରାଯାଉଲା ସେହି ସମୟରେ ଭାଜପା କର୍ମୀମାନେ ଆମ ପ୍ରଧାନମନ୍ତ୍ରୀଙ୍କ ଉପରେ ଫୁଲ ମାଳ ପଡୁଥିଲା।

ସଞ୍ଜୟ କହିଛନ୍ତି ଯେ ସେ ବିଶ୍ୱାସ କରନ୍ତି ଯେ ଜି -୨୦ ସଫଳ ହୋଇଛି ଏବଂ ଆମେ ମଧ୍ୟ ବିଶ୍ୱାସ କରୁ ଯେ ଫୁଲ ବର୍ଷା କରିବା ଉଚିତ। କିନ୍ତୁ ସେହି ସମୟରେ ଯେତେବେଳେ ଫୁଲ ବର୍ଷା କରାଯାଉଥିଲା, ସେତେବେଳେ ଆମର ସେନାମାନଙ୍କ ଉପରକୁ ଗୁଳି ଚାଳନା କରାଯାଉଥିଲା। ଏଥିରେ ଆମର ତିନିଜଣ ଅଧିକାରୀ ଶହୀଦ ହୋଇଥିଲେ। ସଞ୍ଜୟଙ୍କ ମତ ତିନିଜଣ ବରିଷ୍ଠ ଅଧିକାରୀଙ୍କ ଶହୀଦ ହେବା ସ୍ପଷ୍ଟ ଭାବେ ଦର୍ଶାଉଛି ଯେ ଜମ୍ମୁ କଶ୍ମୀରର ଅବସ୍ଥା ଆଜି ବି ଭଲ ନୁହେଁ।
ସଞ୍ଜୟ କହିଛନ୍ତି ଯେ ଜମ୍ମୁ କଶ୍ମୀରରେ କୌଣସି ସରକାର ନାହିଁ। ସେଠାରେ ଥିବା ଲୋକମାନେ ଚିନ୍ତିତ ଅଛନ୍ତି। ସରକାରଙ୍କର କୌଣସି ନିୟନ୍ତ୍ରଣ ନାହିଁ। ସେ ସରକାରଙ୍କୁ କହିଛନ୍ତି ଯେ ଯଦି ଆପଣ ସେଠାରେ ବ୍ୟବସ୍ଥା କରିଛନ୍ତି ତେବେ ଏହା ଆପଣଙ୍କର ଦାୟିତ୍ୱ। ପ୍ରତିଦିନ ସେନା ଶହୀଦ ହେବା ଅତ୍ୟନ୍ତ ଦୁଃଖଦାୟକ।